Гурт Akana-NHS выступіць пад эгідай ААН з шэрагам канцэртаў

(с)

5 снежня Akana-NHS праспявае ў Гомелі ў Plaza Club (Савецкая, 66А ). Пачатак у 19.00.

Канцэрты пройдуць пад агульнай назвай “Больш ні гуку” – гэта серыя сацыяльных пратэстаў супраць гвалту ў сям’і.

Тэрмін “сямейны гвалт” рэдка можна пачуць ў размовах знаёмых альбо сваякоў. Гвалт асацыюецца з сінякамі і ранамі. А многія не ўсведамляюць, што самі пастаянна знаходзяцца ў атмасферы гвалту або ўчыняюць яго ў дачыненні да сваіх блізкіх. Праблема сямейнага гвалту актуальная ў беларускім грамадстве.

Паводле вынікаў нацыянальнага апытання, праведзенага Цэнтрам сацыялагічных і палітычных даследаванняў Беларускага дзяржаўнага універсітэта, 4 з 5 жанчынаў Беларусі ва ўзросце ад 18 да 60 гадоў церпяць псіхалагічны гвалт у сям’і, а кожная чацвертая (з рознай частатою) – фізічны. 22.4% жанчынаў церпяць эканамічны і 13.1% – сэксуальны гвалт ад свайго мужа ці пастаяннага партнёра.

Канцэрты ладзяцца пры падтрымцы кампаніі “Будзьма беларусамі!”