Магілёўская каманда з кружэлкай “Ne isnuje” пасьпяхова пераадолела праблему другога альбому. Пасьля звышудалага старту была асьцярога, што хлопцы не выцягнуць наступную працу на такім жа высокім узроўні, што даволі распаўсюджана сярод нашых выканаўцаў. Аднак абышлося: Akute выйшлі ў адкрыты космас, запісаўшы вельмі сьпелы і цікавы альбом, якому проста наканавана ўвайсьці ў шэраг самых яркіх музычных працаў 2012 году. Далей »

Вядомыя змагары супраць манаполіі рэкорд-лэйблаў на распаўсюд музыкі запісалі і выдалі свой новы альбом, які вырашылі выкласьці на расейскім рэсурсе Thankyou.ru. Забароненыя ў сваёй краіне, а потым нібы дазволеныя, але расчараваныя дарэшты ў асаблівасьцях нацыянальнага шоў-бізу Drum Ecstasy з імпэтам перакінуліся ў Маскву. Далей »

Дзіўна, але факт: альбом “Gentleman“ для Hair Peace Salon — дэбютны. Яшчэ зь пяць гадоў таму яны засьведчылі сваю творчую грунтоўнасьць дэбютнымі сынгламі “Gipsy” ды “In Tune”, якія далі падставы казаць пра досыць яскравую зьяву на айчыннай індзі-сцэне. Але потым каманду зь нейкіх прычынаў заліхаманіла, і на пэўны час яна папросту зьнікла з далягляду. Недзе тады і адбылося ангельскамоўнае нашэсьце маладзейшых і нахабнейшых вінтажных камандаў. Далей »

Дэбютны альбом менскага музычнага ўтварэння, што сфармавалася на абломках не менш цікавай каманды Zombie Zoo. Тое, што гэтыя музыкі разам з новай вакалісткай, якая называе сябе Патрык, маюць што сказаць, было зразумела яшчэ летась, калі яны прадставілі свой сінгл “Fromage”. Дыск “Random Mood Jukebox” чаканняў не падмануў, а нават і пераўзыйшоў. Далей »

Другі студыйны альбом беларускай індзі-рок каманды. Яе ўдзельнікі ўяўляюць зь сябе новае пакаленьне рок-музыкаў, якія, не бадзяюцца па падваротнях ды ня глушаць гарэлку з шклянак, а ціха-мірна зарабляюць на жыцьцё і творчую дзейнасьць, седзячы ў працоўны час па офісах (у адным з інтэрвію яны прызналіся, што прадстаўляюць “офісны плянктон”). Вольны час яны бавяць у студыі, каб давесьці, што ня марна існуюць на гэтай зямлі. Далей »

Хваля вінтажнага року вынесла на нашыя берагі яшчэ адзін гурт. Гэтым разам прывітаньне перадаецца 90-м. Гурт 2morrow2late існуе тры гады, сьпявае выключна па-ангельску, абагаўляе Курта, Alice in Chains ды Stone Temple Pilots, што натуральным чынам адбіваецца на музыцы, якую яны выконваюць самі. Менчукі граюцца ў пост-гранж і правілы гэтай гульні ведаюць някепска. Далей »

Сумесны праект украінскага этна-квартэту ды музыкаў зь Беларусі, адрэпетаваны ў катэджы ў вёсцы Хмелева, што ў Прыкарпацьці, запісаны ў польскай Toyastudios і выдадзены ва Ўкраіне. Песьні гэтыя ўдзельнікі «ДахаБраха» сабралі ў экспэдыцыях. Так што ўласна беларускага тут практычна няма. Ну хіба толькі рукі і трошачкі душы Аляксея Варсобы і кампаніі. Не зусім яны ўжо рамесьнікі і сваю часьцінку ў зробленае ўкладаюць. Прынамсі, на гэтым дзіўным сонным запісе яно адчуваецца. Далей »

Трэці альбом праекту “Мятnа”, заснаванага паэткай і сьпявачкай Вольгай Чайкоўскай і кампазытарам Юрыем Круглікавым. Музыкі заяўляюць, што працуюць у стылістыцы электронна-акустычнага сымфа-фольк-року, але з гэтым можна паспрачацца. Далей »

Дэбютны альбом ад самай прэтэнцыёзнай каманды Берасьця, прадстаўнікоў новага музычнага пакаленьня. Яны хочуць скарыць увесь сьвет, а таму рупліва працуюць над сваім сцэнічным іміджам ды нейкім дзіўным чынам знаходзяць сродкі на тое, каб дасягнуць ледзь ня зь першага разу гучаньня, за якое сапраўды сорам не бярэ. Да гэтай працы The Fraiz ішлі доўгія шэсьць год, паступова намацваючы свой стыль. Далей »

У сваёй новай студыйнай працы музыкі РСП па-ранейшаму брудна лаюцца матам, сьпяваюць на трасянцы ды ўсяляк правакуюць публіку. Дзёня і Паша вырашылі запісаць сем кампазыцый, большая частка якіх вядомая зь іх жывых выступаў. Немаведама чаму яны не дацягнулі да паўнавартаснага альбому і вырашылі зрабіць сынгл – ці то таму, што сказаць па гэтай тэме пакуль няма чаго, ці таму, што рабіць болей у гэтым рэчышчы ня хочацца. Далей »