У нядзелю, 16 лістапада, Асацыяцыя беларусаў Амерыкі запрашае на анлайн-імпрэзу Васіля Дранько-Майсюка і Алены Баяравай "Жарсці Караткевіча" да 95-годдзя з дня нараджэння пісьменніка.
Вас чакае спектакль, створаны на падставе дакументаў, лістоў, успамінаў і сведчанняў.
Вы даведаецеся:
- як Караткевіч змагаўся з цэнзурай, каб надрукаваць свой першы гістарычны дэтэктыў "Дзікае паляванне караля Стаха";
- як ён настойваў, каб убачыў свет эпас "Каласы пад сярпом тваім", дзе героі рыхтуюць паўстанне 1863–64 гг.;
- каго Караткевіч кахаў і з кім сябраваў, хто яму перашкаджаў і хто стаў яго анёлам-ахоўнікам.
Працягласць - 1 гадзіна 20 хвілін.
У праграме - малавядомыя вершы, урыўкі з прозы, артыкулаў і лістоў.
Удзел вольны. Далучайцеся ў адмысловы час па спасылцы.