1 красавіка ў мастацкай галерэі «Універсітэт культуры» слынны беларускі музыка і этнограф Іван Кірчук ладзіць монаспектакль «Каравай» у межах сваёй персанальнай выставы «Лабірынты гуку».
Дата: 1 красавіка
Час: 18.00
Месца: галерэя «Універсітэт культуры», пл. Кастрычніцкая, 1, Мінск
«Караваю, мой, Раю» — так спяваецца ў адной вясельнай песне і так называецца канцэртная праграма Івана Кірчука, створаная па матэрыялах шматлікіх фальклорна-этнаграфічных экспедыцый па Беларусі з 1983 па 2021 гады.
Наведвальнікі пройдуць па старонках старадаўняга вяселля, паслухаюць песні, замовы, малітвы і пачуюць мноства музычных народных інструментаў — чаротку, дуду, струнныя, самагучальныя, ад звычайных капыт быка да шархуноў.
Асноўны момант праграмы — каравай, вясельны хлеб. Што мы ведаем пра гэта? А традыцыйны каравай які? Шмат цікавостак вы даведаецеся ад спадара Івана.
Уваход вольны. Завітвайце.
