У чэрвені пройдуць судовыя працэсы па крымінальных справах супраць шасці супрацоўнікаў медыя, піша прэс-служба Беларускай асацыяцыі журналістаў.
Гэта — Андрэй Аляксандраў, Дзмітрый Наважылаў, Ірына Леўшына, Аксана Колб, Андрэй Кузнечык, Ірына Слаўнікава, Кацярына Андрэева. Паводле артыкулаў абвінавачвання, ім пагражае ад 3 да 15 гадоў пазбаўлення волі.
Ніжэй — пералік абвінавачванняў і даты працэсаў.
6 чэрвеня пачынаецца працэс над супрацоўнікамі БелаПАН
• Былы намеснік дырэктара БелаПАН Андрэй Аляксандраў
• Ірына Злобіна (дзяўчына Аляксандрава)
• Былы дырэктар Дзмітрый Наважылаў
• Дырэктар Ірына Леўшына
Справа будзе слухацца ў закрытым рэжыме Мінскім абласным судом. Працэс будзе праходзіць у выязным паседжаньні ў будынку суда Мінскага раёна. Абвінавачванні:
Андрэй Аляксандраў:
• арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх — пазбаўленне волі да 3 год;
• арт. 243 Крымінальнага кодэкса — Ухіленне ад выплаты сум падаткаў, збораў — пазбаўленне волі да 7 год;
• арт. 361-1 Крымінальнага кодэкса — Стварэнне экстрэмісцкага фарміравання або ўдзел у ім — пазбаўленне волі да 7 год;
• арт. 356 Крымінальнага кодэкса — Здрада дзяржаве — пазбаўленне волі да 15 год
Ірына Злобіна
• арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх — пазбаўленне волі да 3 год;
• арт. 356 Крымінальнага кодэкса — Здрада дзяржаве — пазбаўленне волі да 15 год.
Дзмітрый Наважылаў
• арт. 243 Крымінальнага кодэкса — Ухіленне ад выплаты сум падаткаў, збораў — — пазбаўленне волі да 7 год;
• арт. 361-1 Крымінальнага кодэкса — Стварэнне экстрэмісцкага фарміравання або ўдзел у ім — пазбаўленне волі да 7 год;
Ірына Леўшына
• ч. 1 арт. 361 Крымінальнага кодэкса (стварэнне экстрэмісцкага фарміравання або ўдзел у ім) — пазбаўленне волі да сямі год;
7 чэрвеня пачынаецца працэс над галоўным рэдактарам газеты «Новы Час» Аксанай Колб
Суд Цэнтральнага раёна Мінска, пасяджэнне прызначанае на 10:30, суддзя Карсюк Д.С. Абвінавачванні:
• ч.1 арт. 342 Крымінальнага кодэкса — «Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх» — пазбаўленне волі да 3 год;
8 чэрвеня пачынаецца працэс над фрылансерам «Радыё Свабода» Андрэем Кузнечыкам
Магілёўскі абласны суд. Працэс будзе праходзіць у закрытым рэжыме. Андрэя Кузнечыка абвінавачваюць па ч. 1 арт. 361-1 КК (Стварэнне экстрэмісцкага фармавання або ўдзел у ім).
Па рашэнні МУС «Радыё Свабода» была прызнана «экстрэмісцкім фармаваннем» праз месяц пасля затрымання Андрэя — 23 снежня.
Чакаюцца судовыя працэсы над журналісткамі Ірынай Слаўнікавай і Кацярынай Андрэевай
Ірына Слаўнікава
• арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх — пазбаўленне волі да 3 год;
• ч. 1 арт. 361 Крымінальнага кодэкса (стварэнне экстрэмісцкага фарміравання або ўдзел у ім) — пазбаўленне волі да сямі год;
Кацярына Андрэева (Бахвалава)
Адывае пакаранне (2 гады зняволення) па арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Прад’яўлена новае абвінавачванне: арт. 356 Крымінальнага кодэкса — Здрада дзяржаве — пазбаўленне волі да 15 год.
На дадзены момант у няволі знаходзяцца 26 прадстаўнікоў медыя.
Усе яны прызнаныя палітычнымі вязнямі. Напішыце ім ліст падтрымк: актуальныя адрасы.
