Музычныя журналісты ўручылі свае ўзнагароды і падвялі рысу пад 2010 годам. У трэцяй цырымоніі Experty.by перамогу адсвяткавалі “Дзецідзяцей”, якія былі прызнаныя лепшымі па чатырох намінацыях. Яшчэ адны героі прэміі – праект Hvarna, што ўзяў тры ўзнагароды.
гурт “The Silicon”
Дзмітры Безкаравайны
Сяргей Будкін
Цырымонія ўзнагароджання пачалася з жывога выступу. Па традыцыі штогод на прэміі Experty.by грае гурт, альбом якога прызнаны дэбютам года. Сёлета ў парушэнне традыцыі выступалі The Silicon. Іх дыск у спісе намінацыі “Найлепшы дэбютны альбом” заняў другое месца. Першае журналісты аддалі рэп-праекту Pananieba, які адыграць жывы сэт не здолеў. Адзін з удзельнікаў праекту выйшаў на ўручэнне і адразу нахабна па-рэперску заявіў, што яны маюць намер налета атрымаць прыз за найлепшы альбом года.
Героем сёлетняй цырымоніі стаў гурт “Дзецідзяцей”, які, на жаль, з лета 2010 года прыпыніў сваю дзейнасць. На атрыманні сваёй першай узнагароды за вечар — за найлепшы беларускамоўны альбом — музыкі, відаць, упершыню пабачыліся за доўгі час. Зміцер Ясеневіч павіншаваў Ганну Хітрык з нараджэннем сына, а Міхась Зуй выказаў пажаданне цытатай з апошняй песні апошняга альбома “Рух” — каб усе стваралі дзяцей пад песні Radiohead. “Дзецідзяцей” выходзілі да публікі яшчэ тройчы, каб атрымаць узнагароды за найлепшы рок-альбом, найлепшы беларускі альбом ды прыз вялікага журы.
лепшы дэбютны альбом – гурт Pananeba “На балоце”
лепшы фольк альбом – Hvarna “Кола вяртанняў”, на фота Андрусь Палаўчэня
лепшы рок-альбом і лепшы беларускамоўны альбом – гурт ДзеціДзяцей “Рух”
Перамогу ў трох намінацыях атрымаў праект Hvarna, заснаваны былым лідарам магілёўскага гурта Osimira Андрусём Палаўчэнем у Пецярбургу, куды ён з’ехаў тры гады таму. Беларускі музыка сабраў сваіх расійскіх калегаў і запісаў альбом “Кола вяртанняў”, які беларускія крытыкі прызналі найлепшым фольк-альбомам года, народныя эксперты назвалі яго найлепшым беларускім альбомам, на першае месца сярод усіх працаў 2010 года яго паставілі і замежныя эксперты. “Прыз замежных экспертаў” — адна з галоўных цікавостак прэміі Experty.by. Штогод беларускія альбомы слухае каманда музычных журналістаў з краінаў, што мяжуюць з Беларуссю, іх меркаванне часта не супадае з ацэнкамі беларускіх калегаў. Але сёлета і замежнікі, і беларусы фактычна сышліся.
Адна з прыемных тэндэнцый, якая была заўважаная ў 2010 годзе музычнымі экспертамі, — колькасць беларускамоўных альбомаў упершыню за існаванне прэміі перавысіла колькасць дыскаў, запісаных па-руску. Чатыры беларускамоўныя альбомы трапілі ў галоўны Топ-10, да ўсяго, перамогу ва ўсіх васьмі “альбомных” намінацыях атрымалі якраз працы па-беларуску.
лепшы рекорд-лейбл – West records
прыз народных экспертаў і прыз замежных экспертаў Hvarna “Кола вяртанняў”
Пераможцы прэміі Experty.by-2010:
Найлепшы дэбютны альбом — Pananieba, “На балоце”
Найлепшы фольк-альбом — Hvarna, “Кола вяртанняў”
Найлепшы рок-альбом — “Дзецідзяцей”, “Рух”
Найлепшы беларускамоўны альбом — “Дзецідзяцей”, “Рух”
Найлепшы рэкорд-лэйбл — West Records.
Прыз народных экспертаў — Hvarna, “Кола вяртанняў”
Прыз замежных экспертаў — Hvarna, “Кола вяртанняў”
Прыз вялікага журы — “Дзецідзяцей”, “Рух”
Найлепшы альбом — “Дзецідзяцей”, “Рух”.
прыз вялікага журы і лепшы альбом – ДзеціДзяцей “Рух”
Аляксандар Кулінковіч
на першым фота – Ганна Хітрык
