Прадстаўнікі кінаіндустрыі з Украіны звярнуліся да міжнароднай супольнасці з просьбай не маўчаць, а дзейнічаць і #StandWithUkraine, паведамляе BY_culture.
Так, выканаўчы дырэктар Украінскай кінаакадэміі і Адэскага міжнароднага кінафестывалю Ганна Мачух піша:
«Расія дасягнула кропкі невяртання. Гэтыя дзеянні недаравальныя і ніколі не будуць забытыя. Цяпер, як ніколі, Украіне патрэбна дапамога міжнароднай супольнасці, не толькі іх падтрымка і клопат, але і пэўныя дзеянні. Зараз не час хаваць галаву ў пясок. Надышоў час крычаць. Расія сёння пачала вайну супраць Украіны, а заўтра яна можа апынуцца ля вашых дзвярэй».
Маўчаць далёка не ўсе. Селебрыці з розных краін змяшчаюць антываенныя заклікі і салідарызуюцца з Украінай. Іван Ургант, Oxxxymiron, Барыс Грабеншчыкоў і гурт «Акварыум», Андрэй Макарэвіч, Анджаліна Джалі…
Але ёсць і тыя, хто дасюль зацята трымае маўчанне.
