Найстаражытнейшаму гораду Беларусі Полацку сёння спаўняецца 1160 гадоў. Тры дні ў горадзе будуць ісці святочныя мерапрыемствы, піша «Еўрарадыё».
Сафійскі сабор у Полацку - адзін з чатырох ва ўсім свеце / 34travel
Першы ўспамін пра Полацк у летапісах адносіцца да 862 года, але, верагодна, горад быў заснаваны яшчэ раней.
Чытайце па тэме: У Полацк — на выхадныя: што паглядзець у самым старажытным беларускім горадзе
Распавядзем вам пра артэфакты, якія вы не пабачыце нідзе, акрамя Полацка. Калі вы выбіраеце, што паглядзець у Беларусі, купляйце білеты ў Полацк у найбліжэйшыя ж выходныя.
Топ артэфактаў, якіх вы больш нідзе не ўбачыце
— Калі спусціцца ў падвалы Сафійскага сабора, можна ўбачыць яго старажытны падмурак — мур XI стагоддзя.
— У Мастацкай галерэі можна ўбачыць фрэскі са Свята-Еўфрасіннеўскага храма. Фрэскі перанеслі з царквы на сцены музея спецыялісты Дзяржаўнага Эрмітажа з Санкт-Пецярбурга.
— У Полацку 11 дзяржаўных музеяў. Патрымаць у руках тутэйшыя артэфакты нельга. А вось у прыватным Музеі сярэднявечнага рыцарства можна ўзяць у рукі і меч, і шчыт.
— У Музеі традыцыйнага ручнога ткацтва Паазер’я можна пазнаёміцца з гэтым распаўсюджаным калісьці, а цяпер забытым рамяством. Адкуль з’явіліся вышыванкі? Калі мода вас цікавіць больш, чым рыцарства, вам таксама ў Полацк. Або ў Дудуткі, але потым усё роўна ў Полацк.
