Вяртанне філосафаў – 18 верасня

15.09.2017 Афіша

6ba460b3327ca02040836456fbed60a7

У панядзелак, 18 верасня,  у Мінску прэзентуюць першыя два выпускі выдавецкай серыі «Спадчына: агледзіны»: грунтоўныя аднатамовікі выбраных твораў Тамаша Грыба і Уладзіміра Самойлы.
Тэксты, раскіданыя ў старых перыёдыках БНР і Заходняй Беларусі і ўпершыню сабраныя пад адной вокладкай, вяртаюць з небыцця імёны двух ідэолагаў беларускай нацыянальнай ідэі. Палемічная публіцыстыка і філасофскія трактаты, сацыялагічныя даследаванні і эпісталярый выбітных беларускіх мысляроў зацікавіць кожнага, хто цікавіцца гісторыяй нацыянальнага руху і беларускай думкі.
ЗБС “Бацькаўшчына” і Беларускі дзяржаўны архіў-музей літаратуры і мастацтва запрашаюць!

Месца: музей “Краіна міні” (Палац прафсаюзаў)
Час: 18 верасня а 18.30.
Выступоўцы:
Анатоль Сідарэвіч, гісторык
Ганна Запартыка, дырэктар Беларускага дзяржаўнага архіва-музея літаратуры і мастацтва
Ганна Севярынец, даследчык літаратуры 1920-х гадоў
Ціхан Чарнякевіч, крытык, літаратуразнаўца
Наталля Гардзіенка, навуковец-архівіст, укладальніца гэтых выданняў
Уваход вольны!
Сустрэча адбываецца пры падтрымцы студыі “Grafini” www.grafini.by