Агульнабеларуская кампанія “Будзьма беларусамі!” і Еўрапейскае радыё для Беларусі завяршаюць конкурс для маладых беларускіх гуртоў. У адборы ўзялі ўдзел 24 каманды і выканаўцы. Кожны тыдзень Еўрапейскае радыё для Беларусі выстаўляла на конкурсную старонку mp3 тых, хто спрабаваў патрапіць на складанку “Будзьма The Best рок/Будзьма New” разам з зоркамі сучаснага беларускага року.
На першым дыску складанкі — такія вядомыя гурты, як Impedance, Krama, Partyzone, Neuro Dubel, Iq-48, ULIS, WZ-Orkiestra, Indiga, NRM, Krama, Mauzer, Zet, PomidorOFF, zygimont VAZA, Znich, Zero-85.
Па выніках пятага туру інтэрнэт-галасавання на старонцы Еўрарадыё на складанку “Будзьма The Best рок/Будзьма New” трапляе малады гомельскі гурт VS (601 голас).
Дзякуючы інтэрнет-адбору на дыску з’явяцца наступныя гурты: Re1ikt, Цукерка, Hair Peace Salon, ESPRIT, VS. Пераможцы пяці тураў галасавання аўтаматычна трапляюць на складанку, але арганізатары пакідаюць за сабой права адабраць дадаткова да 10 гуртоў, якія будуць прадстаўляць беларускі рок разам з найбольш вядомымі беларускімі гуртамі.
Інфармацыю пра канчатковы склад “Будзьма The Best Rock/Будзьма New” чакайце на старонках www.euroradio.fm i budzma.org на пачатку траўня.
Дзякуем гуртам і фэнам за ўдзел! Будзьма The Best!
Далучайся да “Будзьма” і будзь разам з намі на старонках euroradio.fm i budzma.org!!!
