У першы ж дзень працы «Кнігаўкі», кнігарні, адкрытай у Мінску выдавецтвам «Янушкевіч», туды прыйшлі прапагандысты, а пасля і сілавікі з ператрусам, піша «Еўрарадыё».
Так рыхтавалася адкрыццё «Кнігаўкі» / Выдавецтва «Янушкевіч»
Прапагандысты Людміла Гладкая з «СБ. Беларусь сегодня» і Рыгор Азаронак з СТБ чапляліся да зместу кніг, задавалі правакацыйныя пытанні, а пасля радасна паведамлялі, што па іх слядах у кнігарню з’явілася міліцыя.
Прыватнае беларускае выдавецтва «Янушкевіч» адкрыла новую кнігарню па вуліцы Змітрака Бядулі, 6. У сакавіку яно засталося без офіса — выдаўцоў папрасілі тэрмінова пакінуць арандаваныя памяшканні.
У кнігарні / Выдавецтва «Янушкевіч»
