Лявон Вольскі 14 студзеня выступіў у Беларускім моладзевым хабе ў Варшаве. З ім граў Павал Трыпуць. На канцэрт прыйшло каля ста аматараў беларускага року.
Хаб быў запоўнены цалкам, праз каронавірусныя абмежаванні не ўсе ахвочыя трапілі ў памяшканне: каля пятнаццаці чалавек назірала за выступам праз вялікія вокны.
Гучалі ў асноўным старыя хіты, аўдыторыя добра ведала словы і актыўна падпявала. Лявон Вольскі павіншаваў прысутных з Калядамі і пажадаў спаўнення мараў у новым годзе.
У лютым пройдзе тур Вольскага па Польшчы: 5-га канцэрт у Познані, 12-га — у Кракаве, а 13-га — у Варшаве.
Алена Ляшкевіч, budzma.by
