Легендарны беларускі гурт Gods Tower запісаў сінгл “Roll Out“. У яго ўвайшлі новыя песні “Roll Out” і “Field of the Dead“. Сінгл лагічна працягвае тэматыку войнаў, да якой Gods Tower звярталіся больш за 10 гадоў таму: на думку музыкаў, кампазіцыя стане ў адзін шэраг з баевікамі “Heroes Die Young” і “Civilization“.
“Roll Out” выдадзены ў выглядзе сяміцалевай вінілавай пласцінкі і аўдыёкасеты пры падтрымцы кампаніі Wargaming.NET, чыя гульня World of Tanks стала натхняльніцай кампазіцыі “Roll Out”. Абодва выданні будуць утрымліваць спецыяльныя налепкі з інвайт-кодамі для гульні.
Лідэр Gods Tower Уладзіслаў Наважылаў (aka Lesley Knife) распавёў пра гісторыю стварэнні кампазіцыі: “Гульня World of Tanks з’явілася ў маім жыцці паралельна з адраджэннем гурта, і яна першым часам толькі і ратавала мяне ад дэпрэсіі. Ці варта здзіўляцца, што менавіта гэтая гульня стала крыніцай натхнення для першай па-сапраўднаму новай рэчы? І што робіць яе асабліва сімвалічнай – тое, што мы ўжо даўно прадбачылі напісанне такой песні. Усё склалася ўдала, што тут скажаш… так што “Roll Out”!
4 снежня ў першы дзень тура сінгл “Roll Out” афіцыйна выйдзе на носьбітах, будзе прэзентаваны ў інтэрнэце і даступны ў лічбавай версіі. У падтрымку гэтага рэліза Gods Tower адправіцца з турам “Roll Out” па Беларусі, Расіі, Украіне, а таксама выступіць на літоўскім фэсце Vilku Ziema.
Даты наступных выступаў:
