30.05.2011 | Без рубрыкі

Будзьма беларусамі! (тэкст)

Не было раней нічога, а цяпер усяго многа.
За гэта мы мусім падзякаваць Богу,
Ён ствараў наш свет у жанры фрыстайлу,
Прамовіў “Будзьма!”, і Беларусь паўстала.
Іхтыязаўры і іншыя цмокі…
Мы напачатку ў акіяне моклі,
А потым пакінулі водныя нетры
І займелі мы назву “неўры”.
Неўры здавён, ад першых вякоў
Пераўтвараліся ў ваўкоў —
Такая вось звычка была ў народа…
Жыцень, Пярун, Дажджбог і Кола Сварога —
У паганскіх багоў продкі нашыя верылі,
Але ўжо хрысціянства грукае ў дзверы ім.

Будзьма ведаць свой род, шалёны народ, беларускі народ!

Год 862 ад нараджэння Хрыстова —
Пра Полацак першыя летапісныя словы.
Ў тым Полацку збудуюць сабор Святой Сафіі
(У свеце былі толькі тры такія).
Тамтэйшы князь Усяслаў Чарадзей
Быў чоткі персанаж, але слухай далей!
У Полацку жыла Еўфрасіння Святая,
Памяць пра яе ў стагоддзях не тае.
Для яе зрабілі знакаміты крыж
(Не проста супер, а супер-звыш),
Але ў апошнюю вайну артэфакт прапаў.
Такі вось, прабачце, мясцовы грааль.

Ідзем далей, не марудзім доўга.
Час надышоў князя Міндоўга.
І тут мы зацяміць мусім з табой —
Тады Беларусь называлі Літвой,
А дакладней — Вялікім Княствам Літоўскім
З гербам “Пагоня” і суперскім войскам.
Пакрочым далей сваім шляхам пыльным.
Князь Гедымін засноўвае Вільню.
Сон легендарны — ваўчара ў латах…
На Вікіпедыі пра гэта багата.

Будзьма ведаць свой род, шалёны народ, беларускі народ!

Год 1362-гі.
Шчэрацца дзіды. Лунаюць сцягі.
Нашыя войскі ля Сіняй Вады
Разбілі трох ханаў Залатое Арды,
І Княства Літоўскае раптам — о-па! —
Зрабілася буйнейшай дзяржавай Еўропы.

Давайце далей разгортваць світак.
У Княстве Літоўскім княжыць Вітаўт.
Тэўтонскі Ордэн нам пагражае.
Пад Грунвальдам бітва ўсё вырашае.
Вітаўт з Ягайлам, польскім каралём,
Крыжакоў адправілі ў металалом.

Францішак Скарына — канкрэтны мажор.
Вучыўся не ў Полацку, а за мяжой.
І з гэтай навукай ён добра парадзіў —
Беларускую Біблію выдаў у Празе.
Вайскоўцы былі ў форме не горшай —
Паклалі маскоўскае войска пад Оршай
У 1514-м годзе,
Але годзе пра гэта, наперад мы пойдзем!
Хвілінны прыпынак — зараз і тут
Зацверджаны Трэці Літоўскі статут,
А пад Кіргхольмам разбілі шведаў,
Відаць, ты пра гэта раней не ведаў.

Будзьма ведаць свой род!

У Магілёве ў бітве апантанай
Сем тысячаў палегла акупантаў.
Якіх акупантаў? Ну, гэтых… З Усходу —
Прадстаўнікоў братняга расейскага народу.
Іх называлі яшчэ “маскавіты”,

А мы ўжо ў Рэчы жылі Паспалітай —
Беларуска-літоўска-польскай дзяржаве —
І чамусьці суседзяў усіх раздражнялі.
Тры падзелы Рэчы Паспалітай —
Вось так — узялі нас і падзялілі.
Найбольшую частку з’ела Расея…
Сярод шляхты незадаволенасць спее.
На сцэне з’явіўся Тадэвуш Касцюшка.
Запомніць імя гэта трэба. Таму што
Тадэвуш канкрэтным быў рэвалюцыянерам —
У свабоду, роўнасць, братэрства верыў,
Змагаўся за гэта нават у Штатах,
Але рускі царызм яго кінуў за краты.

Будзьма ведаць свой род, шалёны народ, беларускі народ!

Падчас напалеонаўскага землятрусу
З беларусамі біліся беларусы,
А ў 1863-м
Паўстанне ізноў пажарышчам свеціць.
Кастусь Каліноўскі, сын Беларусі
Ў роспачы быў, у гаркоце, у скрусе,
Падняў касінераў, смела біўся ў палях,
Але ў пятлі на Лукішках скончыў свой шлях.

Свет на мяжы ХХ стагоддзя.
Трэба падымаць культуру ў народзе!
Багушэвіч, Багдановіч, Купала і Колас,
Ластоўскі, Луцкевіч… Багата было вас!
Дзясяткі й дзясяткі выбітных імёнаў…
Але ўжо рэвалюцыя палае чырвоным.

Ну вось. У рэвалюцыйных жахах
З’яўляецца новая дзяржава.
Завецца прыгожа яна: БНР.
Яе ўтварэнне святкуем і цяпер.
Але раптам аднекуль — з дзіркі ад бубліка —
З’яўляецца іншая на табе рэспубліка.
Завецца ўжо не рамантычна яна —
Савецкая сацыялістычная.
20-я гады. Векапомны час.
Беларусізацыя пануе ў нас.
Пісьменнікі пішуць выдатныя творы,
Мастакі ў Віцебску заўсёды ў гуморы…
І гэтак было, пакуль не прыйшоў
Год 37-мы, крывавае шоу.
Але то шчэ была апраметная.
І вось пекла — Другая сусветная.
Былі акупанты, былі партызаны,
Краіну ізноў на шматкі разгрызалі…
Ізноў беларусы з абодвух бакоў…
Ліецца кроў родных братоў.

Канец вайне! Здавай аўтамат!
І вось ужо ў небе ляціць касманаўт.
Машэраў, прамову сваю гавары!
Спявайце пра Яся грамчэй, “Песняры”!
Барыс Кіт, рабі вынаходкі ў НАСА,
А мы застанемся з краінай сам-насам.
Рэспубліка Беларусь — яе назва цяпер.
Прыняты сцяг, зацверджаны герб.
Спяваюцца песні, чытаюцца вершы…
Год 1991-ы…

Будзьма
Ведаць свой род!
Шалёны народ, беларускі народ…

На гэтым шматкроп’е. У рукі вам сцяг
Хай кожны напіша ўласны працяг…

Будзьма
Ведаць свой род!
Шалёны народ, беларускі народ…
Будзьма
Ведаць свой род!
Шалёны народ, шалёны народ…


16 Каментаў у “Будзьма беларусамі! (тэкст)”

  1. Innocentius says:

    ВЫДАТНЫ, СУПЭРСКІ ролік, які абавязкова зойме сваё пачэснае месца ў найноўшай гіторыі нашай краіны!!!
    Вялізны дзякуй усім, хто спрычыніўся да яго стварэньня:)))

    Але, на маю думку, тэкст складзены не бяз хібаў (выбачайце, спадару Лявоне:)):

    1)”ШАЛЁНЫ народ” – гучыць неяк НЕДАРЭЧНА, бо “шалёны” на расейскую мову перакладаецца не як “отважный (адважны, смелы), дерзкий (дзёрскі, задзірлівы)”, а наступным чынам (паводле слоўнікаў Булыкі й Байкова-Некрашэвіча):
    – бешеный, безумный, сумасшедший
    – неукротимый, неистовый, яростный, ярый
    – шальной,сумасбродный, безрассудный
    Выбачайце, спадарства, але з усіх пералічаных па-расейску эпітэтаў ніводны не падыходзіць у якасьці адлюстроўваньня, абазначэньня адметнай рысы беларускага народа (нават “неукротимый” не пасуе, бо расейцы былі беларусаў “укротили”, падзяліўшы Рэч Паспалітую, а затым захапіўшы частку БНР і тым самым стварыўшы БССР, а ўрэшце навязаўшы беларусам сваю расейскую мову ў якасці дамінуючай!)

    2)”Памяць пра яе ў стагоддзях не ТАЕ” – гэта калька з расейскай мовы, па-беларуску будзе “не растае”(націск на “е”), а лепей “не знікае”.

    • Владислав says:

      Пане Innocentius, у чомусь Ви праві, але все одно – з пісні слів не викинеш: били татар, били москалів, і пишатися було чим.

  2. Darmucha says:

    Выдатны ролік! Абаслютна ўпэўнена можна супаставіць з “Animowaną Historią Polski”. І гэта пры тым, што ў палякаў і з нацыянальнай свядомасцю, і з даследаваннем гісторыі значна лепш! Будзьма ведаць свой род!

  3. Pavel says:

    Отлично. Выше всяких похвал, шедевр на века. Что особо нравится так это как звучит беларуская версия – очень гармонично, мне понравилось гораздо больше чем русская. Не особо понял про Наполеона. Где там белорусы против белорусов сражались?

    • kviat says:

      у 1812 годзе прыгонных сялян загналі на рускі бок, а шляхта была за Напалеона.

  4. Харьковский Филин says:

    У васеще круче мифотворчество чем у нас) про Жечь Посполитую ни единого худого слова – зато “акупанты зи Усходу” глвные враги) ну в общем понятно. И “запомниць трэба” Костюшко и Калиновского) а почему не Кояловича и Солоневича?) Привет со Слободской Украины!)

  5. maxim says:

    Шмат казаць нябуду. Супер!!!)

  6. Віталь says:

    На жаль зусім мала аб Трэцім Статуце ВКЛ. А гэта першы дэмакратычны дакумент!!!(а ў тэксце нават няма згадваньня году 1588)

    • дарья says:

      Про предыдущие статуты,аграрной реформу, конституцию Речи Посполитой (1792) первую мировую так же ни слова

      • Андрэй says:

        Канстытуцыя 3 мая была ў 1791-ым годзе, акрамя таго яна была другой ў свеце, хоць і першай ў Еўропе.

  7. Ирина says:

    СУПЕР!!!

  8. Владислав says:

    Моє Шанування вам, брати, за цей видатний шедевр. Тричі дивився з сином (12 років) і друзями, з насолодою і радістю за Бєларусь і Бєларусів. Будзьма ведаць свой род, браття литвини!

  9. максім says:

    вельмі цікава імя спевака які чытае гісторыю стылі рэп

  10. Снежок says:

    Спецэффекты получились конечно неплохие, и картинки смотрятся хорошо. Только история как-то сильно просела на фоне спецэффектов.

    Ён ствараў наш свет у жанры фрыстайлу,

    – к чему эта англосификация? русский язык вы же не вставляете в текст.

    Ў тым Полацку збудуюць сабор Святой Сафіі
    (У свеце былі толькі тры такія).

    – Ну не то чтобы во всём свете. Киев, Полоцк и Новгород. Точнее было бы сказать на Руси

    Для яе зрабілі знакаміты крыж
    (Не проста супер, а супер-звыш),
    Але ў апошнюю вайну артэфакт прапаў.

    – точнее было бы сказать его выкрали немецкие оккупанты

    Нашыя войскі ля Сіняй Вады
    Разбілі трох ханаў Залатое Арды,
    І Княства Літоўскае раптам — о-па! —
    Зрабілася буйнейшай дзяржавай Еўропы.

    – похвально, почему тогда не упомянуть, что Русь, а потом и Российская Империя были тоже крупнейшими? Это тоже наша история

    Пад Грунвальдам бітва ўсё вырашае.
    Вітаўт з Ягайлам, польскім каралём,
    Крыжакоў адправілі ў металалом.

    – ну там были не только поляки, и это мало расскрывает историю взаимоотношения поляков и белорусов

    Беларускую Біблію выдаў у Празе.

    – На самой Библии написана “Библия Руска”

    У Магілёве ў бітве апантанай
    Сем тысячаў палегла акупантаў.

    – к слову литовцы, поляки и даже немцы не названы оккупантами, зачем тогда называть русских оккупантами

    Якіх акупантаў? Ну, гэтых… З Усходу —

    – Почему нельзя Россию назвать Россией? Тевтонский Орден, например, назван как есть

    А мы ўжо ў Рэчы жылі Паспалітай —
    Беларуска-літоўска-польскай дзяржаве —

    – ну а почему, например, не оккупированы? Белорусского правительства в этой державе было не так уж много.

    Тры падзелы Рэчы Паспалітай —
    Вось так — узялі нас і падзялілі.

    – опять же что в этой державе “нашего”?

    На сцэне з’явіўся Тадэвуш Касцюшка.
    Запомніць імя гэта трэба.

    – помнить нужно, только не делать нужно польского офицера-бунтовщика преподносить как часть отечественной истории

    Але рускі царызм яго кінуў за краты.

    – как-то слабо верится в нейтральное отношение к Российской Империи на фоне рассказа о Жечи Посполитой

    Падчас напалеонаўскага землятрусу
    З беларусамі біліся беларусы

    – отрицание Отечественной Войны 1812 года для белорусов

    Паўстанне ізноў пажарышчам свеціць.
    Кастусь Каліноўскі, сын Беларусі

    – польский студент революционер всё же не фигура отечественной истории, а польский бунт 1863 г. белорусы как раз и останавливали

    Свет на мяжы ХХ стагоддзя.

    – и всё? 19 век ещё многим, чем отразился кроме 2-х неудачными польских восстаний

    З’яўляецца новая дзяржава.
    Завецца прыгожа яна: БНР.

    – эта держава просуществовала под руководством маленькой группы людей и под прикрытием германцев и очень коротко

    Але раптам аднекуль — з дзіркі ад бубліка —
    З’яўляецца іншая на табе рэспубліка.
    Завецца ўжо не рамантычна яна —
    Савецкая сацыялістычная.

    – из дырки от бублика? надеюсь вы не намекали, что Белорусская ССР возникла из дырки пятой точки

    Беларусізацыя пануе ў нас.
    Пісьменнікі пішуць выдатныя творы,
    Мастакі ў Віцебску заўсёды ў гуморы…

    -белорусизация однозначно положительное явление? современники так не думали, историчность это когда показан процесс таков каков есть и представлены факты, а не фантазии, мол, белорусизация как она хороша тогда была

    І гэтак было, пакуль не прыйшоў
    Год 37-мы, крывавае шоу.

    – уж не реабилитировать вы собрались профашистко-троцкисткую линию?

    І вось пекла — Другая сусветная.

    – в Беларуси её знают ещё как Великую Отечественную, давайте пользоваться более близкими и родными терминами

    Былі акупанты, былі партызаны,
    Краіну ізноў на шматкі разгрызалі…
    Ізноў беларусы з абодвух бакоў…

    – это оскорбительно, белорусы в подавляющем большинстве не были предателями

    Барыс Кіт, рабі вынаходкі ў НАСА

    – что же и СГА белорусская держава? А кто работал в СССР это кто?

  11. Леонид Зуборев says:

    МАМIН ДЗЕНЬ

    Самы блізкі чалавек,
    Родная, любімая.
    Даражэй за ўсіх навек
    Мне матуля мiлая.

    Кветак веснавых iзноў
    Ў дзень шчаслівы самы
    Назбiраю я з гадоў
    Для любiмай мамы.

    Памяць шчырая ў радку
    За дзяцінствам крочыцца.
    Зло растане на пяску,
    Дабрыня не скончыцца.

    Cловы пойдуць ў светлы храм
    Да радзiмай самай.
    І прытулак знойдуць там
    Ў сэрцы мілай мамы.

    Леонид Зуборев

Дадаць каментар

*

*

Апошнія навіны

Яндекс.Метрика