Культурная акцыя «Будзьма Акудовічам!», прысвечаная 60-годдзю выбітнага айчыннага мысляра Валянціна Акудовіча адбудзецца ў Мінску 18 чэрвеня.
Пачатак а 19-й гадзіне ў галерэі «Ў», якая знаходзіцца па адрасе: пр. Незалежнасці, 37А.
У праграме:
– прэзентацыя рэтра-паштоўкі «Валянцін Акудовіч. Гармонія лёсу»;
– інтэрактыўная экспазіцыя «Вершы Валянціна Акудовіча»;
– Акудовіч у кіно;
– гурт «Recha».
А таксама прамовы пра Акудовіча ад Алеся Разанава, Адама Глобуса, Сяргея Харэўскага, Уладзіміра Мацкевіча, Алеся Анціпенкі і інш.
Спецыяльна да юбілею Валянцін Акудовіч выканае свой фірмовы перформанс «Мяне няма».
Вядучы – Андрэй Хадановіч.
Уваход вольны.
Падарункі Акудовічу вітаюцца.
Вечарына ладзіцца ў межах кампаніі «Будзьма беларусамі!»
Фота: egg-in-squares.by.ru