У нядзелю, 1 снежня, у Сіэтле адбудзецца дабрачынны аўкцыён выцінанкі «Мастацтва ад сэрца».
Дата: 1 снежня
Час: з 17.00 да 19.30 (час мясцовы)
Месца: паведамяць пакупнікам квіткоў, Shoreline, WA
Тры слынныя майстрыні выцінанкі — Лізавета Чырвонцава, Вольга Палуніса і Наталля Сухая — стварылі карункападобныя карціны з паперы адмыслова для аўкцыёна, каб дапамагчы дзецям Украіны.
Анлайн-аўкцыён доўжыўся два тыдні, а 1 снежня будзе заключная выстава афлайн, на якой можна паглядзець выцінанкі, паўдзельнічаць у разыгранцы і проста файна пабавіць час.
Уваход на выставу вольны — трэба толькі пабраць квіткі па спасылцы.
Калі ж выбераце квіток з данатам 25 даляраў, то атрымаеце магчымасць выйграць фотасесію ў традыцыйных строях ад фальклорнага праекта Вольгі Дземкі VOLYA.
