Агульнабеларуская кампанія “Будзьма беларусамі!” стартавала 1 кастрычніка 2008 года і абвясціла мэтай паглыбленне нацыянальнай ідэнтычнасці беларусаў.
“Будзьма беларусамі!” – гэта грамадская культурніцкая кампанія, ініцыятарам і каардынатарам якой з’яўляецца Міжнароднае грамадскае аб’яднанне “Згуртаванне беларусаў свету “Бацькаўшчына”.
Пра нас >>
Пра гісторыю і шлях кампаніі >>
Анімацыйны фільм «Будзьма беларусамі!»
Фестываль рэкламы “аDNаK!”
Асноўнае пра фестываль
Кампанія “Будзьма беларусамі!” пачынала фестываль ў 2010 годзе, і ён стаў адным з самых яскравых і паспяховых праектаў кампаніі. Канечне, усё гэта было б немагчыма, калі б не нашы партнёры і дарадцы з боку бізнесу Андрэй Эзерын і Сяргей Скараход.
Камунікацыйныя кампаніі «Будзьма!»
Камунікацыйныя кампаніі «Будзьма!»
“Будзьма” стварыла цэлы шэраг праектаў, праз якія мы вучылі і вучыліся гісторыі; адкрывалі новыя імёны ў спорце і культуры; даводзілі, што беларуская мова – якасны сродак камунікацыі, а ўсё беларускае можа і мусіць быць модным, сучасным і актуальным. Гэтыя праекты натхнялі іншых на крэатыў і стварэнне новых яскравых падзей.
2012 Праект “У пошуках цмока”
Яшчэ гадоў шэсць-сем таму цмок выклікаў у беларусаў хіба лёгкую ўсмешку: “А што гэта?.. А-а-а, тыпу дракона!” З таго часу цмок стаў не толькі пазнавальным сімвалам, але яшчэ і жаданым брэндам, якім карыстаюцца арганізатары фэстаў, вытворцы алкаголю, спартоўцы і г.д. Як так атрымалася?
2013 Канцэпт "Культура паляпшае жыццё”
Калі ідэя становіцца рэальным праектам, да яе далучаюцца іншыя людзі, з’яўляюцца аднадумцы, гэта прыносіць карысць і асобна ўзятаму гораду, і кожнаму чалавеку, і ўсёй краіне. Таму галоўная мэта камунікацыйнай стратэгіі “Культура паляпшае жыццё” – змена стаўлення да культуры як да пасіўнага, дэкаратыўнага элементу, які не здольны ўплываць на якасць жыцця штодня і ў перспектыве”.
Чытаць падрабязней >>
2016 Разам да справы
Кампанія “Разам да справы” – плён сумесных высілкаў кампаніі “Будзьма беларусамі!” і цэнтра даследавання грамадскага меркавання SYMPA – гадамі ладзіць мерапрыемствы і ток-шоў у беларускіх рэгіёнах.
На практыцы “Разам да справы” – гэта серыя ток-шоў, Кірмашоў праектаў, майстар-класаў і круглых сталоў у розных кутках нашай радзімы, якія праводзяць тэарэтыкі і практыкі, але заўсёды лідары ў сваёй галіне. Удзельнікі – мясцовыя жыхары і актывісты, якія хацелі б зрабіць нешта для свайго рэгіёна, часам не ведаючы, як.
Падрабязней пра кампанію >>
Матэрыялы і справаздачы аб праведзеных мерапрыемствах >>
Асноўныя сумесныя і он-лайн праекты "Будзьма!"
2009, 2011 Будзьма! Тузін. Перазагрузка
За гады існавання «Тузін» паспяхова рэалізаваў не адзін дзясятак задумаў, у тым ліку і сумесныя з ГКК «Будзьма беларусамі!» праекты
«Тузін. Перазагрузка», «Будзьма! Тузін. Перазагрузка – 2» і «Global Reload», дзякуючы якім шматлікія як беларускія, так і замежныя музыкі заспявалі па-беларуску, а беларускамоўныя творы загучалі на іншых мовах.
Падрабязней аб праекце >>
2014-2019 Не маўчы па-беларуску
“Не маўчы па-беларуску!” — серыя паштовак і каляндароў ад кампаніі “Будзьма!” і мастачкі Дар’і Мандзік — дапаможа ў штодзённай камунікацыі ўсім, хто толькі пачынае размаўляць на беларускай мове ці толькі на ёй і гаворыць, хто пачынае цікавіцца роднай мовай ці ўсё пра яе ведае і выкарыстоўвае штодня.
