7 лістапада, у дзень памяці Леанарда Коэна, паэт і перакладчык Андрэй Хадановіч запрашае беларусаў Гданьска на імпрэзу.
Дата: 7 лістапада
Час: 18.00 (час мясцовы)
Месца: Targ Rakowy, 5/6, Гданьск
Спадар Андрэй заспявае песні Леанарда Коэна і прачытае ягоныя вершы ў сваіх перакладах.
Вы пачуеце геніяльную «Алілую», а таксама «Гатэль Чэлсі», «Знакаміты сіні плашч», «Танчы да канца любві», «Я ўвесь твой» ды іншыя коэнаўскія шэдэўры па-беларуску.
Прагучаць таксама некалькі песень, звязаных з Коэнам або натхнёных яго творчасцю (Боба Дылана, Яраміра Ногавіцы).
Гданьск як месца дзеяння цалкам дазваляе ўключыць у праграму і легендарныя «Муры» ды іншыя песні Яцка Качмарскага.
Уваход вольны!