1 мая ў сённяшняй Беларусі найчасцей асацыюецца са святам у стылі агратрэш з абавязалаўкай для чыноўнікаў і шэрагамі прыгнаных школьнікаў з панылымі тварамі на афіцыёзных мерапрыемствах. А старэйшае пакаленне яшчэ можа прыгадаць савецкія парады з абавязковым удзелам працаўнікоў усіх магчымых катэгорый і піянераў са штучнымі кветкамі ў руках. Але ці ўсё так адназначна з гэтым святам? Ці варта адмовіцца ад яго, як толькі будзе магчымасць? Распавядаем, што стаіць за датай 1 мая, адкуль паходзіць свята і як яго адзначаюць у розных краінах свету.
У рубрыцы «Мама, не журыся!» на Budzma.org Лявон Вольскі піша пра ўзламаны сайт КГБ і прыгадвае выпадак з уласнага жыцця, калі афіцэр асобага аддзела спрабаваў схіліць яго да супрацы. Што з гэтага выйшла, далей у тэксце
Марына Васілеўская пабывала на МКС. Пры гэтым прафесійнай касманаўткай яе назваць нельга, імаверна, яна скончыла завочку Мінскага інавацыйнага ўніверсітэта, а яе эксперыменты на арбіце выклікалі вялікае здзіўленне ў навукоўца. Але ўсё гэта не перашкаджае прапагандзе і ўладам ствараць Васілеўскай вобраз гераіні, якая дабілася чагосьці неверагоднага. Ці добрая гэта ролевая мадэль для дзяўчынак і жанчын і ці не ўмацоўвае стэрэатыпы? Разважае гендарная даследчыца Лена Агарэлышава.
«Гэты ціхі маўклівы сцэнар нам навязваюць нашыя ворагі, а вы чамусьці яго прымаеце і паводле яго жывяце!». Лявон Вольскі адказвае на крытыку, якую выклікаў ягоны апошні тэкст пра нерашучасць як рысу беларускага нацыянальнага характару. Артыкул быў апублікаваны на Budzma.org пад назвай «Чаму яна ніяк не надыходзіць — нашая Перамога?».
У нашай сённяшняй вандроўцы скіруемся ў падарожжа па беларускіх паселішчах з цікавымі назвамі, сугучнымі найменням сусветна вядомых гарадоў ды краінаў. Але ці ад іх паходзяць назвы нашых населеных пунктаў? Пройдземся па некаторых старонках гісторыі беларускіх вёсак з незвычайнымі назвамі ды даведаемся, якія славутасці можна паглядзець у ваколіцах гэтых паселішчаў
Гэтым разам у нашай традыцыйнай вандроўцы наведаем Дубай Пінскага раёна Брэсцкай вобласці. Насамрэч, вёска сёння завецца Дубае, але мае некалькі больш старажытных назваў, сярод якіх і Дубай. Увесну на Палессі асабліва маляўніча, таму, калі збярэцеся вандраваць па нашых палескіх маршрутах, настойліва раім звярнуць увагу і на Дубае. Тут захавалася капліца XVIII стагоддзя пабудовы, царква Раства Багародзіцы ў стылі класіцызм, якая «засвяцілася» ў некалькіх кінеманатаграфічных фільмах савецкага часу, рэшткі сядзібна-паркавага ансамбля ХІХ стагоддзя і шмат легендаў ды цікавостак.
З нагоды 184-й гадавіны з дня нараджэння класіка беларускай літаратуры, грамадскага дзеяча, паэта, публіцыста, перакладчыка Францішка Багушэвіча прапануем узгадаць мясціны, звязаныя з жыццёвым і творчым шляхам Мацея Бурачка і Сымона Рэўкі з-пад Барысава. Наведаем будынкі, дзе нарадзіўся, жыў і працаваў пісьменнік, пабачым мемарыяльныя шыльды ды помнікі, усталяваныя ўдзячнымі нашчадкамі ў гонар айца-заснавальніка беларускай літаратуры. Маршрут пралягае праз 3 краіны: Беларусь, Літву і Украіну
Ці кожны шляхціц любіў чытаць? А шляхцянка? Адкуль бралі новыя кнігі, газеты, часопісы? Як захоўвалі забароненую літаратуру? Навошта чыталі ўголас? Ці кожная сядзіба мела вялікі кнігазбор? Урэшце, які лёс чакаў шляхецкія бібліятэкі?
Ягайла ўмеў здзіўляць публіку на Кракаўскім двары: свечкі для Д’ябла, забабоны, незразумелая мова, любоў да лазні і паляванняў, але... цвярозы лад жыцця. Яго бачылі марыянеткай, а ён заснаваў дынастыю ды паклаў пачатак аб’яднанню земляў Польшчы, Літвы і Русі. Перажыў сяброў, ворагаў і трох жонак. Менеджар, палітык і лідар, які па-ранейшаму чамусьці для нас — «паляк», для палякаў — «ліцвін»
