У арт-прасторы «Талстога, 7» распачаліся натхняльныя Калядныя майстар-класы «Выцінанкі-маляванкі».
Дата: з 27 снежня
Час: 15.00
Месца: арт-прастора «Талстога, 7», вул. Талстога, 7, Віцебск
У сераду, 27 снежня, а таксама 30 снежня і 3 студзеня мастачка, майстрыня выцінанкі Наталля Канькова прапануе зрабіць навагодні сувенір «Анёл» у тэхніцы выцінанкі.
У чацвер, 28 снежня, вас чакае лекцыя пра кіно з фатографам Юрыем Рабровым і мультпраграма для дзяцей і дарослых, прымеркаваная да Міжнароднага дня кіно.
У пятніцу, 29 снежня выкладчыца дзіцячай студыі «Фольк.Арт» Наталля Курневіч на сваім майстар-класе навучыць ствараць навагодні тэкстыльны сувенір «Рукавіца».
5 студзеня мастачка, выкладчыца Віцебскага дзяржаўнага тэхналагічнага каледжа Васіліса Зароўская запрашае ў калажную майстэрню, у якой будуць рабіць навагоднюю паштоўку «Анёл» ў тэхніцы калажа.
Усе майстар-класы пачынаюцца а 15-й гадзіне і каштуюць 3 рублі. Запісвайцеся ў дырэкт арт-прасторы.
