У чацвер, трэцяга кастрычніка, пачынае працу выстава пераможцаў і лаўрэатаў ІІІ Міжнароднага конкурсу плаката «УНОВІС ХХІ стагоддзе #Малевіч Чорны / #Малевіч Белы», прысвечанага 145-годдзю Казіміра Малевіча.
Дата: з 3 кастрычніка
Месца: музей гісторыі Віцебскага народнага мастацкага вучылішча, вул. Шагала, 5а; выставачная зала, Белабародава, 5, Віцебск
Экспазіцыя выставы, якая налічвае каля 120 плакатаў і больш за 100 аўтараў з 13 краін свету, заняла дзве выставачныя залы.
У музеі гісторыі Віцебскага народнага мастацкага вучылішча можна пабачыць плакаты пераможцаў і журы конкурсу, а ў выставачнай зале Віцебскага цэнтра сучаснага мастацтва на Белабародава, 5 — работы лаўрэатаў і найлепшыя плакаты з шорт-ліста конкурсу.
Выстава будзе адкрыта для наведвання з 3 кастрычніка, а афіцыйная частка з узнагароджваннем пераможцаў адбудзецца 16 кастрычніка.
