У суботу, 23 лістапада, асветніцкі праект «Навука па-за сабой» кліча на майстар-клас па стварэнні сцікераў-гісторый пра Віцебск «Мой горад».
Дата: 23 лістапада
Час: 12.00
Месца: абласная навукова-тэхнічная бібіліятэка, вул. Пушкіна, 6 (4 паверх), Віцебск
Ці заўважалі вы, што гарады напаўняюцца для нас сэнсам і выклікаюць эмоцыі, калі мы даведаемся пра іх гісторыі.
Звычайны будынак, вуліца ці лавачка становіцца асаблівымі для нас, калі яны расказваюць нешта важнае пра нас, нашу сям’ю ці супольнасць.
Запрашаюць даследаваць горад з пункту гледжання гісторый і намаляваць лаканічныя карцінкі — сцікеры паводле гэтых гісторый.
На майстар-класе вы:
даследуеце горад з пункту гледжання гісторый і асабістых сэнсаў,
пазнаёміцеся з прыёмамі стварэння лаканічных візуальных гісторый,
намалюеце свае гісторыі пра Віцебск,
створыце сцікерпак з гісторый, намаляваных на варкшопе (вы атрымаеце свой надрукаваны асобнік).
«Уменне» маляваць не абавязковае!
Вядоўца — спадарыня Лена, ілюстратарка, мастачка коміксаў.
Уваход вольны. Рэгіструйцеся па спасылцы.
