Сямейны эка-фестываль ЗЯЛЁНЫ WEEKEND. 5 чэрвеня ў галерэі “Ў”
05.06.2016
12:00 - 18:00
Галерэя сучаснага мастацтва “Ў” (Пр. Незалежнасці, 37а)
50 000
Штогадовы сямейны эка-фестываль “Зялёны weekend”
5 чэрвеня (з 12:00 да 18:00)
Галерэя сучаснага мастацтва “Ў”
Пр. Незалежнасці, 37а
5 чэрвеня у Галерэі сучаснага мастацтва “Ў” адбудзецца пяты штогадовы эка-фестываль творчасці і развіцця “Зялёны Weekend”. У гэтым годзе фэст прысвечаны тэме урбанізма. Галоўнае пытанне уікенду – “Горад для чалавека ці чалавек для горада?”. Разам у гульнёвай і творчай манеры мы паспрабуем знайсці адказ, як зрабіць наш горад і сваё жыццё ў ім больш прыемным, эка-прыязным і поўным творчых і яскравых момантаў. Фэст арганізаваны “Дзіцячымі творчымі майстэрнямі”, установай “Эка-Майстэрні” (“Дзіцячыя экалагічныя майстэрні”), таварыствам “Зялёная сетка” супольна з Галерэяй сучаснага мастацтва “Ў” пры падтрымцы іншых арганізацыяў.
Новай фішкай Зялёнага weekend стане аб’яднанне тэматычных “пунктаў” у маршруты. Гасцям прапануецца прайсці іх цалкам, каб напрыканцы атрымаць прыемны падарунак.
Праходзячы па маршрутах, госці пазнаёмяцца з прадстаўнікамі розных урбан-інітыятыў: “Гарадскі агарод”, “Гададскі ляснічы”, “Зялёны дазор”, Мінскага роварнага таварыства ды арганізацый “Ахова птушак бацькаўшчыны”, “Экапартнёрства”, паўдзельнічаюць ў квэстах і адукацыйных блоках ад Школы Экалагічнага Актывісту, возьмуць удзел у воркшопах ад мінскіх стрыт-артыстаў, займуцца лэнд-артам і змогуць наведаць “жывую бібліятэку”, у якой пагутараць з прадстаўнікамі самых цікавых па меркаванню дзяцей прафесій.
Новыя ўражанні, новы досвед, веды і знаёмствы для сямей з дзецьмі і ўсіх ахвочых!
Агульны квіток на 1 чалавека – 50 000 BYR
(дае права ўдзелу ва усіх мерапрыемствах у рамках фестывалю)
