27 красавіка, у чацвер, у гданьскім бары «Карма» адкрываецца новая выстава Анастасіі Рыдлеўскай «Таро».
Дата: 27 красавіка
Месца: бар «Карма», Tandeta, 1, Гданьск
Так-так, гэтым разам прэзентуюць карты Таро, якія намалявала спадарыня Анастасія за апошнія 2 месяцы. Усе 78 картак будуць выстаўлены, і мастачка раскажа пра кожную з іх.
На выставе будуць не толькі арыгінальныя творы, але і друкаваная калода карт, да якіх можна дакрануцца і замовіць варажбу, бо ўсе іншыя спосабы асэнсаваць тое, што адбываецца, сябе не апраўдалі.
Уваход, вядома, вольны.
Працуе выстава па 31 траўня.
