Прэзентацыя кнігі “Сакатала Бочачка” ў Маладэчне
Пачатак: 06.09 (18:00)Канец: 06.09 (18:00)
Музычны каледж імя Агінскага
“Сакатала бочачка” – новая кніга вядомага спецыяліста ў галіне кулінарнай справы Алеся Белага (Кухмiстра Верашчакi) па гісторыі самых важных і знакавых алкагольных напояў Беларусі. У большасці выпадкаў яны былі цалкам забытыя ў нашай краіне, адкінутыя таталітарным дваццатым стагоддзем як “чужынскія”. Аўтар праз дакладнае вывучэнне пісьмовых і візуальных крыніц імкнецца вярнуць забытыя традыцыі ў кантэкст сучаснасці. Перад вамі – унікальны ілюстраваны даведнік, надзейная крыніца ведаў і вобразаў у “пікантнай” і зусім мала знанай сферы айчыннай гісторыі і культуры.
Менавіта Маладэчна абранае як месца першай прэзентацыі ўвогуле – як прызнанне таго велізарнага патэнцыялу які гэты горад мае ў развіцці культурных традыцый, якія карэняцца ў шматвекавой гісторыі ВКЛ.
6 верасня, серада, 18 гадзіна, музычны каледж імя Агінскага. Прыходзьце, будзе цікава! Аўтар.
Уся інфармацыя пра кнігу даступная на яе афіцыйнай старонцы – sakatala.by.
