29 чэрвеня, у суботу, у Берліне адбудуцца чыткі п’ес праекта «While History Writes Itself», у тым ліку п’есы Юліі Цімафеевай «Экстрэмісты».
Дата: 29 чэрвеня
Час: 18.00 і 19.30 (час мясцовы)
Месца: Kiosk + Studio Я, Maxim Gorki Theater, Am Festungsgraben 2, Берлін
П’еса «Экстрэмісты» — вынік тэатральнага праекта «While History Writes Itself», у якім спадарыня Юлія ўдзельнічала разам з літаратарамі з Грузіі, Малдовы, Сэрбіі, Харватыі і Украіны.
«Экстрэмісты» — гэта палітычна-паэтычны тэкст пра тых, чые адзіная зброя і адзінае злачынства, — гэта голас. Пра беларускіх палітвязняў.
«Экстрэмісты» будуць прэзентаваныя разам з іншымі п’есамі праекта ад аўтараў Kateryna Penkova, Anastasiia Kosodii, Ivana Sajko, Davit Gabunia, Tanja Šljivar, Natalia Graur.
Звяртаем вашую ўвагу: «Экстрэмісты» будуць паказаныя ў запісе. Іншыя п’есы будуць чытацца афлайн.
Мова паказу — нямецкая (пераклад Ціны Вюншман) з ангельскімі субтытрамі.
Квіткі коштам 8 еўра бярыце па спасылцы.
