Як часта вы чуеце, што ўніверсітэт - ледзь не адзінае месца, дзе наладжваюць прафесійныя сувязі?
А што калі гэта не адзіная пляцоўка, карысная для вашай будучыні?
І што ўжо практычна сёння кожны можа пазнаёміцца і пагутарыць з амбасадарамі еўрапейскіх краін, прадстаўнікамі медыя, бізнесу і НДА?
Красавіцкі Кірмаш - святочнае мерапрыемства рэспубліканскага маштабу, падчас якога маладыя спецыялісты будуць мець выключную магчымасць прэзентаваць сябе вядомым у краіне і за яе межамі выбітным асобам, а вядомых асобаў могуць зацікавіць амбітныя і перспектыўныя маладыя беларусы.
У сёняшнім свеце асабістае знаемства можа адчыніць новыя гарызонты і прапанаваць непрадказальныя перспектывы.
Гэта аднолькава актуальна і для моладзі на старце кар’еры, і для VIP-персонаў, якія дасягнулі кар’ерных вышынь.
Мы спадзяемся, што насычаная праграмма вечарыны і невялікі фуршэт дазволяць прыемна правесці час і пазнаёміцца з цікавымі людзьмі ў неафіцыйнай атмасферы.

Мерапрыемства пройдзе 30 красавіка ў IBB цэнтры ў Мінску. Удзельнікі змогуць не толькі ўбачыць паспяховых людзей Беларусі на сцэне, але пасядзець з імі за адным сталом і пазнаёміцца.
Вы атрымаеце ўнікальную магчымасць усталяваць свой першы прафесійны кантакт.
Дапамогуць вам у гэтым вядомы шоумэн і тэлевядоўца Яўген Булка і зоркавая спявачка Руся.


Колькасць месцаў абмежавана.