12 кастрычніка 2017 года а 18-й гадзіне ў Нацыянальным цэнтры сучасных мастацтваў пройдзе адкрыццё фотавыставы “Suomi 100 – 10 фатографаў з Фінляндыі”, прымеркаванай да святкавання 100-гадовага юбілею незалежнасці Фінляндыі.
Фінляндыя – 100-гадовы юбілей
Сёлета Фінляндыя святкуе стагоддзе дзяржаўнай незалежнасці. Цягам 2017 года будзе праведзена больш за 3000 святочных мерапрыемстваў як у самой Фінляндыі, так і ў 100 іншых краінах, у тым ліку і ў Беларусі. Больш падрабязна на www.finland100.by
Suomi 100 – 10 фатографаў з Фінляндыі
На фотавыставе ўНацыянальным цэнтры сучасных мастацтваў у Мінску прадстаўлены працы 10 фінскіх фатографаў-аматараў, якія падзеляцца з беларускім гледачом сваім асабістым поглядам на Фінляндыю. У выставу ўвайшло каля 100 фотаздымкаў на восем асноўных тэм: прырода, вёска, горад, музыка, мастацтва, вольны час, спорт і саўна.
З працамі фінскіх фатографаў можна будзе азнаёміцца з 12 кастрычніка па 4 лістапада 2017 года па адрасе: г. Мінск, вул. Някрасава, 3. Больш падрабязна пра графік працы Нацыянальнага цэнтра сучасных мастацтваў: www. ncsm.by
У адкрыцці выставы фінскай фатаграфіі прыме ўдзел Пасол Фінляндыі ў Літве і Беларусі Крыстар Мікельсан, а таксама прадстаўнікі Фінска-беларускага таварыства SVVS.
Пасля цэрымоніі адкрыцця выставы адбудзецца лекцыя аднаго з вядомых фінскіх фатографаў Юссі Аалта “Гісторыя і сучасны стан фінскай фатаграфіі”. З боку Нацыянальнага цэнтра сучасных мастацтваў будзе зроблена кароткая прэзентацыя аб беларуска-фінскіх сувязях у творчай фатаграфіі. Пачатак лекцыйнага блоку а 19-й гадзіне.
Уваход на адкрыццё выставы і лекцыю – вольны.
Выстава арганізавана па ініцыятыве і пры падтрымцы Аддзялення Пасольства Фінляндскай Рэспублікі ў Рэспубліцы Беларусь.
«Suomi 100 – 10 фатографаў з Фінляндыі»
12.10.2017 – 04.11.2017
г. Мінск, Някрасава, 3
Старонка падзеі ў ФБ: https://www.facebook.com/
Сайт НЦСМ: http://ncsm.by/calendar/suomi-
