Раней многія з аўдыякніг аўтара можна было часткова паслухаць на Kamunikat.org, а цалкам — на CD-дысках. Цяпер яго творы можна набыць і паслухаць праз мабільныя дадаткі Kobo і Bookmate, паведамляе Audiobooks.by.
У прыватнасці, у мабільных дадатках з'явіліся аўдыякнігі:
- зборнікі апавяданняў і аповесцяў «Ордэн белай мышы», «Час чумы», «Сны імператара»;
- кнігі пра гісторыю Беларусі «Адкуль наш род», «Таямніцы полацкай гісторыі»;
- зборнік верлібраў «Паром празь Ля-Манш».
Зборнік «Танцы над горадам» можна праслухаць бясплатна.
Большасць з кніг агучыў сам аўтар.
Уладзімір Арлоў — адзін з самых вядомых сучасных беларускіх аўтараў, майстар гістарычнай прозы. У 2018 годзе яго зборнік «Танцы над горадам» стаў лаўрэтам прэміі Ежы Гедройца.