Многія героі адной з самых папулярных рубрык “Будзьмы” у гэтыя дні прадстаўляюць Беларусь на Алімпійскіх гульнях у Рыа: Арзамасава, Асанаў, Герасіменя, Станюта, Талай і іншыя. Спецыяльна для вас мы падрыхтавалі дайджэст. Заўзеем за нашых улюбёных спартоўцаў і зычым ім поспеху!
Баксёр Дзмітрый Асанаў: сапраўдны джэнтльмен і паэт (фота)
20-гадовы ўраджэнец Маладзечна будзе баксёрам, які сёлета прадставіць нашу краіну на Алімпійскіх гульнях у Рыа. Нягледзячы на малады ўзрост, Дзмітрый Асанаў стала заваёўвае ўзнагароды на прэстыжных сусветных першынствах. На перспектыўнага баксёра з Беларусі звярнула ўвагу нават прамоўтарская кампанія легендарнага Майка Тайсана і прапаноўвала супрацоўніцтва.
Марына Арзамасава: “У спорту не жаночае аблічча”
Пасля бліскучага фінішу на чэмпіянаце свету ў Пекіне на дыстанцыі 800 метраў Марына Арзамасава даказала, што яна не толькі еўрапейская, але і сусветная лёгкаатлетычная зорка. Для кагосьці гэтая перамога выглядала як сенсацыя, але для Марыны гэта заканамерны вынік карпатлівай шматгадовай працы. У спартыўным асяроддзі яна вядомая яшчэ як адна з самых экстравагантных і стыльных спартовак. Мы завіталі ў госці да Марыны ў яе новую кватэру, дзе яна падзялілася з намі сакрэтамі жаночай прывабнасці, прадэманстравала ўлюбёныя рэчы са свайго гардэробу і распавяла пра падрыхтоўку да галоўнага старту чатырохгоддзя — Алімпіяды ў Рыа.
Аліна Талай: “Было смешна, калі сказалі: Табе будзе вельмі цяжка знайсці мужа, бо ў цябе ўсё ёсць”
Адна з самых паспяховых нашых спартовак аналізуе праблемы ўзаемаадносінаў паміж сучаснымі мужчынамі і жанчынамі, апавядае, ці перамог фемінізм у Еўропе і як змянілася яе жыццё пасля медаля чэмпіянату свету.
Меліціна Станюта: “Промні беларускага сонца ззяюць ярка. Але магло б быць значна лепш”
Сучасная ікона беларускай мастацкай гімнастыкі апавядае пра папулярнасць нашых спартсменак за мяжой, згадвае сваю легендарную прабабулю і тое, як брала медалі на чэмпіянаце свету з пераломам ступні.
Гімнастка Кацярына Галкіна. Перанесла аперацыю на сэрцы, каб застацца ў спорце
Дзяўчына расказвае “Байцоўскаму гену” пра выпрабаванні гімнастычнага памосту і чаму падчас аднаго з пералётаў “палова каманды плакала разам са сцюардэсай”.
Аляксандра Герасіменя. Трыумфальнае вяртанне ў плаванне пасля падставы
У юніёрскім узросце зорцы нашага спорту давялося прайсці праз неверагодныя выпрабаванні.
Ліна Мілаш
