Беларусы распрацавалі спецыльную платформу WEMAYHELP 2.0., якая дапамагае пацярпелым ад вайны ва Украіне справіцца з праблемамі ментальнага здароўя, такімі як трывога, пытанні самарэалізацыі, цялесныя заціскі пасля перажытага траўматычнага вопыту.

На платформе можна атрымаць аператыўную і бясплатную, прафесійную дапамогу па трох накірунках: 

— псіхалагічная дапамога (псіхолагі дапамогуць суладаць з непакоем, страхам, панікай, пачуццём віны, стыду, крыўдай, нянавісцю);

— коучынг (коучы дамапогуць вырашыць пытанні самарэалізацыі, збудаваць планы на кожны дзень і на будучыню, знайсці кропкі апоры, новыя мэты і сэнсы, вярнуць працаздольнасць і эфектыўнасць);

— цялесна-арыентаваныя практыкі (дапамагаюць суладаць с заціскамі ў целе і рэакцыямі арганізму на працяглы стрэс).

«Наша місія — дапамагчы справіцца з праблемамі ментальнага здароўя пацярпелым ад вайны, аб’яднаўшы ўсе даступныя метады. Мы не дзелім людзей па паходжанні пашпарта — дапамогу атрымае той, хто мае патрэбу. Мы верым, што галоўная добрая якасць чалавека — гуманнасць і жаданне дапамагаць іншым», — адзначаюць спецыялісты WEMAYHELP 2.0.

Платформа дае доступ да трох бясплатных сесій — у аднаго спецыяліста ці ў розных.