Этнасвята “У госці да радзімічаў”, заснаванае на падзеях і стылістыцы Х-ХІІ стагоддзяў, пройдзе 15 жніўня ў Чавускім раёне. Мерапрыемства ў другі раз збярэ ў аграгарадку Радамля аматараў беларускай гісторыі, паведаміла метадыст Чавускага раённага цэнтра культуры і вольнага часу Алеся Далецкая.
Акрамя таго, усе жадаючыя змогуць наведаць атракцыёны, адпаведныя тэматыцы святы. Асаблівую ўвагу нададуць музычнаму суправаджэнню. На свяце выступяць этнакалективы з Хоцімска і Краснаполля, дудары з Магілёва і Мінска. Госці мерапрыемства змогуць атрымаць асалоду ад мелодый ліры і цымбалаў.
Падчас свята разгорнецца стылізаваны кірмаш, дзе будуць прадавацца вырабы майстроў і рамеснікаў вобласці, розная сувенірная прадукцыя, а таксама пройдуць майстар-класы. Адным з галоўных эпізодаў кірмашу стане кулінарнае свята. Стравы мясцовай кухні прадставяць жыхары Радомлі.
Марыя Ластачкіна, БелТА
