Вядомы журналіст, літаратуразнаўца і палітолаг Аляксандр Фядута ўжо 14 месяцаў знаходзіцца за кратамі. У зняволенні ён піша вершы. Пра гэта ў Фэйсбуку распавяла ягоная жонка Марына Шыпко і працытавала ўрывак з верша, прысвечанага Уладзіміру Караткевічу.
«Напісаў першы верш па-беларуску пасля школы (не цытую, бо пра вожыка і асабісты). І вось урывак з верша, прысвечаны Ул. Караткевічу», — напісала Марына Шыпко.
Быў. Есць. Буду.
Он жил и в нем идея жила,
И, конечно, не только в нем.
Одного он в этом мире желал —
Победы добра над злом.
Он смеялся, не ведая грусть,
В его мире зло оставалось злом,
А добром была Беларусь.
У лістах да жонкі Аляксандр Фядута піша, што бачыць «у сне Гародню, бабціну хату, табачку і школу, дзе вучыўся і дзе працаваў. І , канешне, Нёман і мост па якім шпацыроваў» і дзякуе ўсім, хто піша яму лісты.
Нагадаем, Аляксандра Фядуту затрымалі супрацоўнікі КДБ 12 красавіка ў Маскве. Ён з’яўляецца фігурантам крымінальнай справы аб «змове з мэтай захопу ўлады неканстытуцыйным шляхам». Яго ўтрымліваюць у СІЗА-1 на Валадарскага.
