Цэнтр даследавання беларускай культуры, мовы і літаратуры Нацыянальнай акадэміі навук лічыць, што беларуская лацінка і арабіца адпавядаюць крытэрыям для надання ім статусу гісторыка-культурнай каштоўнасці, і выказвае гатоўнасць падрыхтаваць экспертнае заключэнне, калі адпаведная прапанова паступіць у Міністэрства культуры.
Гэта вынікае з ліста Цэнтра даследавання беларускай культуры, мовы і літаратуры НАК, апублікаванага вядомым гістарычным і краязнаўчым тэлеграм-каналам «Спадчына».
Тэлеграм-канал «Спадчына» заклікае мовазнаўцаў падрыхтаваць 10-20 старонак пра лацінку і арабіцу, згодна крыніцам і навуковым працам, для складання звароту ў Міністэрства культуры. Са свайго боку аўтары канала абяцаюць дапамагчы з афармленнем згодна з Кодэксам аб культуры.
