Беларускіх актывістаў і прадстаўнікоў творчага класа запрашаюць узяць удзел у майстэрні суполак «СУП», якая адбудзецца ў Вільні 17-19 лютага і 17-19 сакавіка у творчай прасторы Create Culture Group.
СУП падыходзіць як тым, хто ўжо стварыў суполку і хоча яе развіваць, так і тым, хто марыць аб стварэнні сваёй групы аднадумцаў і хоча набыць сістэматызаваныя веды, экспертнасць і матывацыю.
Што будзе адбывацца?
Два практычныя семінары ў Вільні 17-19 лютага і 17-19 сакавіка 2023, на якіх вы авалодаеце навыкамі пабудовы суполак і іх развіцця.
Што атрымаюць удзельнікі:
— Даведаюцца аб асновах пабудовы супольнасці.
— Атрымаюць навыкі кіравання і матывацыі членаў каманды.
— Набудуць веды, як працаваць з вялікімі і малымі групамі, падтрымліваць станоўчую дынаміку ў суполках.
— Створаць свой праект ці івэнт у мяжах суполкі.
Запрашаюць беларускіх удзельні_ц:
– з Беларусі (прадугледжана пакрыццё выдаткаў на дарогу і пражыванне);
– з Вільні ці іншых гарадоў і краін (пакрыццё выдаткаў на дарогу і пражыванне не прадугледжана). ⠀
Дэдлайн прыёму заявак 31 студзеня ўключна, колькасць месцаў у праграме абмежаваная
Сайт з падрабязнасцямі і форма прыёму заявак па спасылцы.
