Будынак знаходзіцца вул. Ажэшкі, 30. Каштуе пабудова 1 259 785 рублёў. Тэрмін арэнды зямельнага участка — 50 год.
Сярод абавязковых умоў пры набыцці будынка — падпісанне ахоўнага абавязацельства на матэрыяльную нерухомую гісторыка-культурную каштоўнасць на працягу 1 месяца з дня заключэння дагавора куплі-продажу.
Правядзенне капітальнага рамонту і рэканструкцыі нежылых будынкаў і ўвод іх у эксплуатацыю ў тэрміны, вызначаныя праектна-каштарыснай дакументацыяй, якая прайшла дзяржаўную экспертызу, але не больш за чатыры гады з дня заключэння дагавора куплі-продажу. Заяўкі прымаюцца да 16.00 2 лістапада. Аўкцыён адбудзецца 8 лістапада ў 15.00. Будынак прадае Камітэт дзяржаўнай маёмасці Гродзенскага абласнога выканаўчага камітэта.
Яшчэ нядаўна ў будынку адбываліся канцэрты гарадзенскіх рок-гуртоў, а амаль сто год таму, у пачатку 1920-х гадоў, зямельны ўчастак, дзе цяпер знаходзіцца Дом афіцэраў, знаходзіўся ва ўласнасці польскага Дзяржбанка. Першы камень у падмурак будучага «Doma Strzelca» ў стылі польскага канструктывізму ў 1930 годзе заклаў тагачасны прэзідэнт Польшчы.
У будынку планавалі размясціць супрацьгазавы прытулак на 550 чалавек. У верасні 1939 года ад савецкіх войскаў тут абараняліся вучні польскіх гімназій, некаторых з якіх пазней расстралялі.
У 1965 годзе было прынята рашэнне аб зносе некаторых будынкаў у акрузе і прыбудове да Дома афіцэраў канцэртнай залы на 800 чалавек. Яго ўзвялі ў 1973 годзе. Доўгі час ён з’яўляўся галоўнай канцэртнай пляцоўкай у Гродне з самай вялікай сцэнай у горадзе.
