Пачаўся набор у Першую беларускую анлайн-школу ва Украіне. Пра гэта напісала заснавальніца анлайн-школы, актрыса, музыка, лідар гурта Naka Анастасія Шпакоўская на сваёй старонцы ў Фэйсбук.
«Вось ужо трэці год працуе Першая беларуская школа ва Украіне. За гэты час некалькі дзесяткаў маленькіх беларусаў атрымалі атэстат дзяржаўнага ўзору Украіны.
За гэты час паралельна было створана шмат школак і курсаў па беларускай мове. Але толькі у нашай школе мы даем магчымасць вывучаць роднае, сумяшчаць з усімі астатнімі прадметамі і атрымліваць атэстат дзяржаўнага ўзору Украіны.
Працягваем набор на новы навучальны год.
За падрабязнасцямі byschool.com.ua».
