Будзьма беларусамі! » Кампанія «Філосаф_у_турме» выдала электронную кнігу Уладзіміра Мацкевіча

Кампанія «Філосаф_у_турме» прадстаўляе кнігу філосафа і метадолага Уладзіміра Мацкевіча, створаную на аснове серыі разваг з лютага па май 2019 года.

«Адказваючы за сябе. Запіскі філосафа са шкодным характарам» — гэта жывая, прамая размова філосафа з самім сабой, з палітыкамі, грамадзянскімі актывістамі і ўсімі, хто гатовы яго пачуць і зразумець.

Кніга складаецца з трох частак. Першая частка «Маё месца сілы» прысвечана самавызначэнню філосафа і інтэлектуала ў палітычнай і грамадскай практыцы, яго месцы і працы.

Другая частка «Нам не хапае сэнсу» — гэта аналіз сітуацыі ў краіне напярэдадні пераўтварэнняў і ўзрушэнняў.

Трэцяя частка «Іду на вы» — гэта перфарматыўнае выказванне. Тут ёсць і адкрыты ліст прэзідэнту, і прапановы па парадку дзеянняў для палітычных лідараў.

Кніга выдадзена ў электронным фармаце (epub, pdf, fb2), яе можна спампаваць:

• На сайце Лятучага ўніверсітэта

• На сайце Цэнтра еўрапейскай трансфармацыі

• На Kamunikat.org

• На Літрэс