На фестывалі інтэлектуальнай кнігі «Прадмова», які сёлета праходзіць за межамі Беларусі, традыцыйна ўручаюцца некаторыя літаратурныя прэміі, піша «Народная воля».
Пісьменніца Таццяна Нядбай абвясціла лаурэатаў прэміі імя Алеся Адамовіча за 2021 год. Імі сталі: газета «Новы час» і яе рэдактарка Аксана Колб ; кніга, прысвечаная расстраляным пісьменнікам 30-х гадоў ХХ ст, якая выйшла ў Мінску ў выдавецтве Янушкевіча, — «(Не)рассталяныя»; паэтычны дзённік Дзмітрыя Строцава «Беларусь перакуленая»; Вольга Шпарага з кнігай «У революции женское лицо. Случай Беларуси».
Прэмія імя Алеся Адамовіча была заснавана ў 1995 годзе і ўручаецца за найлепшыя публіцыстычныя публікацыі году.
