8 i 9 кастрычніка ў Тэатры Польскім у Варшаве адбудзецца прэм’ера «Рамантыкі» ад беларускай трупы «Купалаўцы». Рэжысёр праекта — маэстра Мікалай Пінігін.
«Апошнія дні падрыхтоўкі да прэм’еры, каханенькія! Касцюмы амаль гатовыя, святло выстаўлена, Адам Міцкевіч запёрся ў грымёрцы і страшна хвалюецца. Верым, што ўсё будзе пяшчотна і рамантычна, па-наваградску чула і па-свіцязянску ўзнёсла», — пішуць на сваёй старонцы ў Фэйсбуку Купалаўцы.
На сцэне: Алег Гарбуз, Кацярына Алейнікава, Мікалай Стонька, Алена Сідарава, Святлана Зелянкоўская, Іван Кушнярук, Марта Голубева, Сяргей Чуб, Валянціна Гарцуева, Андрэй Дробыш, Віктар Манаеў, Аляксандр Зелянко, Ігар Сігоў, Зоя Белахвосцік
Спектакль вядуць — Вікторыя Андрэйчыкава, Алеся Бельская.
«Такая вечарынка ў варшаўскім Teatr Polski w Warszawie бывае гады ў рады!», — справядліва заўважаюць Купалаўцы. То не прапусціце, калі вы ў Варшаве.
Квіткі даступныя па спасылцы.
