У Нацыянальным мастацкім музеі 7 траўня адкрылася выстава «Гармонія свету неглюбскіх ткачых», прысвечаная традыцыйнаму ткацтву в. Неглюбка Веткаўскага раёна Гомельскай вобласці. Выстава ладзіцца сумесна з Веткаўскім музеем стараабрадніцтва і беларускіх традыцый і Беларускім дзяржаўным музеем народнай архітэктуры і побыту.
Выстава «Гармонія свету неглюбскіх ткачых». Фота: vetkamuseum
Неглюбскае ткацтва — унікальная з’ява беларускай народнай культуры, якая захавала архаічныя рысы і складаную сімволіку.
Веткаўскі музей ужо 47 гдоў займаецца даследваннем і папулярызацыяй гэтай традыцыі, адзначаюць у Фэйсбуку ўстановы культуры.
Выстава «Гармонія свету неглюбскіх ткачых». Фота: vetkamuseum
Нагадаем, што ў снежні 2025 года неглюбская тэкстыльная традыцыя ўвайшла ў спіс ЮНЕСКА, як элемент нематэрыяльнай культурнай спадчыны, што мае патрэбу ў тэрміновай ахове.
Чытайце па тэме:
7 цікавых фактаў пра неглюбскую тэкстыльную традыцыю, якая ўвайшла ў спіс нематэрыяльнай культурнай спадчыны ЮНЭСКА
Мастар-клас падчас адкрыцця выставы «Гармонія свету неглюбскіх ткачых». Фота: vetkamuseum
У экспазіцыі прадстаўлена каля 50 твораў тэкстылю, шэраг інструментаў для апрацоўкі льну, прадметаў тэкстылю, а таксама традыцыйны касцюм в. Неглюбка і разнастайныя аўтэнтычныя рэдкія аксесуары.
Выстава будзе працаваць да 27 ліпеня.
