Першы зборнік паэзіі «Из ямки земляной» Светы Бень выходзіць з друку ў выдавецтве кнігарні «Бабель» (Тэль-Авіў). З нагоды выхаду кнігі у Берліне абдудзецца некалькі сустрэчаў з аўтаркай.
«Будзе шмат вершаў і сюрпрызаў, а таксама некалькі неймаверных гасцей з Babel Books Berlin і не толькі! А галоўным героем вечера стане нованароджаная кніжка, якую можна будзе патрымаць у руках, пагартаць ці нават знесці з сабой», — напісалі арганізатары вечара.
Першая прэзентацыя пройдзе 13 лютага ў прасторы PANDA platforma (Knaackstr. 97). Уваход: данэйшн ад 10 еўра.
Наступная сустрэча адбудзецца 15 лютага ў 19:00. Гэтым разам у форме адкрытага інтэрв’ю ў кнігарні Babel Books Berlin (Bernauer Straße, 49). Госцем вечарыны будзе выдавец Яўген Коган.
Уваход па рэгістрацыі.
