27 красавіка ў Літаратурным музеі Максіма Багдановіча прайшла прэзентацыя серыі кніг беларускіх класікаў, выдаваных у «кішэнным» фармаце. Вёў вечарыну Уладзімір Сіўчыкаў.

Асноўная мэта серыі, як распавялі яе заснавальнікі — папулярызацыя класікі і вяртанне незаслужана забытых імёнаў і твораў (напрыклад, Францішка Аляхновіча, Ларысы Геніюш, Кастуся Тарасава). Яшчэ адзін важны момант так званых pocket book — малабюджэтнасць, даступнасць для моладзевай і студэнцкай чытацкай аўдыторыі.

На сённяшні дзень гэтая серыя выдавецтва “Папуры” налічвае 38 тамоў і будзе працягвацца. Імёны і творы аўтараў выбірае рэдакцыйная калегія, куды ўваходзяць пісьменнікі, літаратуразнаўцы, выкладчыкі.

Уладзімір Сіўчыкаў

Загадчыца Музея Максіма Багдановіча Марына Запартыка

Злева направа: Пятро Васючэнка, Уладзімір Арлоў, Лявон Баршчэўскі

Гледачы

Алена Сінькевіч

Наталля Адамовіч

На вечарыне выступілі сябры рэдкалегіі Уладзімір Арлоў, Лявон Баршчэўскі, Пятро Васючэнка. Пра падрыхтоўку тамоў да друку расказалі пляменніца Уладзіміра Караткевіча Алена Сінькевіч і дачка Алеся Адамовіча Наталля Адамовіч.

Андрэй Авадзень і Ксенія Сляшынская

Песні на вершы беларускіх паэтаў выканалі спявачка Ксенія Сляшынская і гітарыст Андрэй Авадзень.

Напрыканцы кожны ахвотны змог задаць пытанне выступоўцам і азнаёміцца з усімі выданнямі серыі “Мая беларуская кніга”.

Віка Трэнас, для lit-bel.org