У Беларусі з’явілася беларускамоўная настолка аб вялікіх суайчынніках. Гульня створана сумесна з брэндам OZ і гродзенскай студыяй распрацоўкі настольных гульняў «Кубік».
Уявіце, што межы часу сцерліся, і выбітныя беларусы розных часоў апынуліся ў ХХІ стагоддзі. Што яны ўбачылі і як адрэагавалі? Як прымянілі свой талент і раскрылі свой характар? Усё гэта давядзецца вырашаць вам! Аднак час гуляе злыя жарты, і ў некаторых Персанажаў з’явіліся двайнікі, якіх трэба тэрмінова адшукаць. А можа двайнік гэта вы?
У настольнай гульні «Тутэйшыя» вам давядзецца ў ролі знакамітага беларуса адказваць на каверзныя пытанні і адначасова спрабаваць вылічыць, хто з гульцоў з’яўляецца вашым двайніком. У гульні вы сустрэнеце 50 выбітных беларусаў розных часоў, і зможаце пабыць у ролі кожнага.
А таксама ў «Тутэйшых» можна згуляць па правілах добра вядомай гульні «Хто я!».
У гульні прадстаўлены карткі з выявамі вядомых беларускіх дзеячаў, такіх як мастак Марк Шагал, паэт Уладзімір Караткевіч, княгіня Анастасія Слуцкая і многія іншыя.
Пажаданы ўзрост удзельнікаў — ад 14 гадоў, але строгіх абмежаванняў няма. Адначасова могуць гуляць ад 2 да 6 чалавек. Працягласць — 30-45 хвілін — залежыць ад гатоўнасці ўдзельнікаў.
У камплект уваходзяць:
99 гульнёвых картак
Брашура з кароткімі біяграфіямі
Правілы гульні
Купіць настолку для сябе ці ў падарунак можна ў фірменных крамах сеткі, праз прыкладанне OZ ці на сайце OZ.by.
