Пра гэта паведаміла яго жонка Вольга ў сваім фэйсбуку.
«Час ідзе. З кожным днём мы на крок бліжэй да сваіх родных, да сустрэчы з імі і да лепшых дзён. Я веру, што яны настануць.
За гэтыя амаль два гады Павел даслаў каля 200 лістоў мне і каля 100 лістоў сыну, большасць якіх з малюнкамі. Усе малюнкі і лісты мы з пяшчотай захоўваем, перачытваем, а некаторыя ілюстрацыі далей ідуць сваім шляхам у паштоўках і разлятаюцца па свеце. Мы, як і планавалі, паспелі да Вялікадня і хочам парадаваць сяброў і проста добрых людзей новым наборам паштовак. Гэты набор называецца "У сэрцы Беларусь". Цытаты і малюнкі ў гэтым наборы паштовак цалкам новыя», — піша Вольга.
Замовіць паштоўкі можна тут.
