2 красавіка ў Кіна-Стартап-школе лепшыя беларускія спецыялісты раскажуць усё, што сёння трэба ведаць пра віртуальную рэальнасць і сучасныя трэнды распрацовак кампутарных гульняў.

Кіна-Стартап-школа — гэта некамерцыйны праект, таму ўдзельнікі сплачваюць арганізацыйны ўнёсак 3 рубля, які складае 10% коштаў  імпрэзы. Гэта магчымае дзякуючы падтрымцы донараў, фундатараў і ўласнаму ўнёску арганізатараў.

На кожным занятку спецыялісты падзеляцца з удзельнікамі сваім досведам і ведамі ў самых сучасных кірунках мультымедыйнай прасторы. Удзельнікі пазнаюць, як увасобіць свае ідэі ў жыццё, а хобі — у працу, якая будзе прыносіць не толькі маральнае задавальненне, але і рэальныя грошы.

ВІРТУАЛЬНАЯ ПРАСТОРА

Спікер-Мітрый Соркін, крэатыўны прадусар / Галерэя віртуальнай рэальнасці ВІР / Feeling Films

• Адкуль з’явілася гэта незразумелая віртуальная рэальнасць і чаму яна набірае папулярнасць сёння?
• Як ствараць кантэнт для віртуальнай рэальнасці?
• Дзе, як і навошта ўжываць віртуальную рэальнасць?
• Асаблівасці ўжывання ў кіно і інтэрактыўных гісторыях?
• Куды мы ідзём і куды мы прыйдзем з віртуальнай рэальнасцю за пазухай?

ІНДУСТРЫЯ КАМПУТАРНЫХ ГУЛЬНЯЎ

Спікер-Раман Сердзюкоў, кіраўнік групы распрацоўкі кампаніі Мелсофт, кандыдат тэхнічных навук, дацэнт.

• Кароткі экскурс у гісторыю развіцця кампутарных гульняў.
• Сучасныя трэнды індустрыі кампутарных гульняў.
• Арганізацыя бізнесу распрацоўкі гульняў

Усе заняткі КінаСтартап-школы праводзяцца Кінавучэльняй А. Палупанава ў партнёрстве з грамадскім з’яднаннем «Таварыства спрыяння інавацыйнаму бізнесу» (ТСІБ), у рамках праекта «Стварэнне ўстойлівай інфа структуры для падтрымкі развіцця стартапаў і малога бізнесу ў рэгіёнах Беларусі», што рэалізуецца ТСІБ пры падтрымцы Агенцтва ЗША па міжнародным развіцці (USAID).

Заняткі праходзяць па адрасе: г. Мінск, прастора “Вежа”, пр-т Дзяржынскага, 57. Бізнес-цэнтр OmegaTower, ст.м. Міхалава. Час правядзення: 2 красавіка з 11:00 да 14:00.