У нядзелю, 29 кастрычніка, беларусы Вільні ладзяць «Ноч (не)расстраляных паэтаў» — імпрэзу-ўшанаванне памяці беларускіх літаратараў, якія былі расстраляныя НКУС у ноч з 29 на 30 кастрычніка 1937 года.
Дата: 29 кастрычніка
Час: 16.00 (час мясцовы)
Месца: каля Музея акупацыі і барацьбы за свабоду, Aukų g. 2A, Вільня
Далучайцеся да ўспамінаў, чытанняў, спеваў, сяброўскіх сустрэч за кубачкам гарбаты ва ўтульным восеньскім скверы, каб аддаць даніну павагі паэтам, літаратарам, інтэлектуалам, якія, нягледзячы ні на што, пакінулі нам спадчыну — Беларусь!
Будзе вольны мікрафон — калі жадаеце выступіць з вершам, запісвайцеся па спасылцы.
