8 і 9 жніўня, праз шэсць гадоў з дня прэзідэнцкіх выбараў 2020 года, адзначаных беспрэцэдэнтнымі фальсіфікацыямі, а таксама мужнасцю і годнасцю беларусаў, якія выйшлі абараняць сваё права на голас, свабоду і будучыню сваёй краіны, беларусы па ўсім свеце збяруцца разам, каб яшчэ раз паказаць сваё адзінства і гатоўнасць працягваць змагацца за свабодную, незалежную і дэмакратычную Беларусь. Зрабілі для Вас падборку з раскладам імпрэзаў, каб вы маглі далучыцца да Дня Годнасці ў сваім горадзе.
Вільня
8 і 9 жніўня беларусы Літвы збяруцца, каб яшчэ раз паказаць сваё адзінства і гатоўнасць працягваць змагацца за свабодную, незалежную і дэмакратычную Беларусь.
8 жніўня:
- 14:00 — Экскурсія «Беларускія жанчыны свабоды». Пачатак на Лукішскай плошчы каля крыжа паўстанцам.
9 жніўня:
-
10:30 — Малітва за Беларусь у Беларускім праваслаўным прыходзе (Bokšto g. 4);
-
12:00 — Мастацкая выстава да Дня Годнасці Беларусаў на Кафедральнай плошчы. Свае працы прадставяць прафесійныя мастакі і аматары, былыя палітвязні і рэпрэсаваныя беларускія актывісты;
-
12:30 — Роварны прабег салідарнасці. Ад Кафедральнай плошчы да Алеі беларускай дэмакратыі на беразе насупраць Сейма і да Кафедральнай плошчы;
-
13:00 — Мітынг на Кафедральнай плошчы. Падчас яго выступяць былыя палітычныя вязні, палітыкі, прадстаўнікі грамадзянскай супольнасці і сябры Беларусі. Разам удзельнікі праспяваюць песні, якія ўжо шмат гадоў яднаюць беларусаў па ўсім свеце;
-
14:00 — Марш свабоды ад Кафедральнай плошчы да Варты Святла ля Амбасады Беларусі. Да маршу далучацца нашы бубначы;
-
15:00 — Хвіліна маўчання каля Варты Святла. У памяць пра ахвяр дыктатарскага рэжыму і герояў, якія загінулі, абараняючы незалежнасць Украіны;
-
16:00 — Сустрэча з мастачкай Вольгай Якубоўскай у Беларускім Замку. Падчас сустрэчы Вольга асабіста ўручыць свае карціны іх героям і гераіням.
-
16:30 — Лекцыя пра Ларысу Геніюш у Карчме 1863 (Bokšto g. 2);
-
18:00 — Акустычны канцэрт Юрыя Стыльскага ў пабе Alaus Namai (Goštauto g. 8; квіток — 15 € наяўнымі).
Арганізатары заклікаюць прыходзіць на мерапрыемствы з нацыянальнай сімволікай і беларускімі сцягамі.
Беласток
9 жніўня ў Беластоку «Fundacja Tutaka» і «Беларуская дыяспара Беластока» запрашаюць на мітынг-канцэрт да Дня Годнасці.
Гданьск
9 жніўня, у Дзень Годнасці, беларусы збяруцца ў Гданьску.
Сярод гасцей сёлетніх урачыстасцяў: журналістка Кацярына Андрэева, гераіня пратэстаў 2020 года, чыя гісторыя натхніла рэжысёрку Мару Тамковіч на стварэнне фільма «Пад шэрым небам», і акторка Аляксандра Вайцэховіч.
Варшава
9 жніўня ў Варшаве адзначаць Дзень Годнасці.
У праграме — выступы Святланы Ціханоўскай, Паўла Латушкі, Паўла Севярынца, Паліны Шарэнды-Панасюк ды іншых прадстаўнікоў беларускіх дэмакратычных сіл, а таксама замежных дзеячаў.
Таксама на сцэне:
-
Вольны Хор
-
Kriwi
-
Аляксей Шкурапацкі
-
Javaryna Fire Show.
Нью-Ёрк
8 жніўня ў Нью-Ёрку Беларуска-Амерыканскае Задзіночанне (БАЗА) разам з Беларуска-Амерыканскім Згуртаваннем «Пагоня» запрашаюць далучыцца да мітынгу памяці і салідарнасці, прысвечанага шостай гадавіне народнага ўздыму 2020 года ў Беларусі. Сабрацца, каб ушанаваць памяць загінулых патрыётаў, узняць свой голас за вызваленне палітвязняў і нагадаць свету, што Беларусь працягвае змагацца за свабоду.
Арганізатары заклікаюць прыходзіць з беларускімі сцягамі, плакатамі і сімвалямі салідарнасці.
Памятка па бяспецы: у сувязі з паведамленнямі пра ўзмоцненыя рэйды міграцыйных службаў ЗША, арганізатары просяць удзельнікаў уважліва паставіцца да асабістай бяспекі.
Філадэльфія
9 жніўня ў Філадэльфіі «Belarus FREEDOM–Philadelphia» запрашае беларускую супольнасць, сяброў Беларусі і ўсіх, каму неабыякавы лёс нашай краіны, далучыцца да Дня салідарнасці з Беларуссю.
Гэта магчымасць сабрацца разам, каб:
• ушанаваць мужнасць беларускіх палітвязняў і ўсіх, хто пацярпеў ад рэпрэсій;
• выказаць падтрымку іх сем'ям;
• нагадаць свету, што беларусы працягваюць барацьбу за свабоду, правы чалавека і годнасць;
• паказаць, што нават далёка ад Радзімы беларусы захоўваюць еднасць.
Паўночная Караліна
9 жніўня ў Ролі (Паўночная Караліна) адбудзецца інтэрактыўны палітычны перформанс «Боль. Супраціў. Надзея».
У цэнтры перформансу — жанчына ў белым з завязанымі вачыма. Увасабленне лёсу кожнага з нас. Кожны ўдзельнік зможа завязаць на ёй стужку за кожную страту, якую прынёс рэжым Лукашэнкі: родны дом, сям’ю, сяброў, працу, здароўе, родныя сэрцу мясціны або свабоду. У фінале ўдзельнікі разам разрэжуць стужкі, а яе першы свабодны крок стане сімвалам надзеі для ўсёй Беларусі.
Калі хтосьці не можа прысутнічаць асабіста, але хоча стаць часткай перформансу, арганізатары завяжуць стужку ад яго імя.
Таронта
9 жніўня беларусы Канады запрашаюць далучыцца да дня памяці ў Таронта, прысвечанага шостай гадавіне падзей жніўня 2020 года.
Праграма:
- Morning Run — сімвалічны забег памяці і салідарнасці. Бегчы неабавязкова — можна ісці;
-
Community Gathering — вечаровая сустрэча, каб прыгадаць падзеі 2020 года і пабыць разам
Кёльн
9 жніўня ўсіх неабыякавых запрашаюць далучыцца да акцыі Салідарнасці з Беларуссю ў Кёльне, каб выказаць падтрымку беларускаму народу, палітвязням і барацьбе за свабоду ды дэмакратыю!
Больш беларускіх падзей шукайце ў нашай Афішы.
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
