У нядзелю, 6 лістапада, у віцебскай арт-прасторы «Upgrade» адбудзецца файны майстар-клас ад праекта «Культуралогія без межаў».
Дата: 6 лістапада
Час: 16.00
Месца: арт-прастора «Upgrade», Кастрычніцкая, 2, Віцебск
Натхнёны ён творчасцю Жана Арпа, пра якога вы шмат даведаецеся падчас майстар-класа.
Біяморфнае, цякучае, слізгальнае — так можна апісаць мастацтва Жана Арпа.
Арп, art, Арп, art... так іранічна граў словамі Марсэль Дзюшан, кажучы пра Жана Арпа — мастака, скульптара і паэта. Мадзільяні, Клее, Эль Лісіцкі былі паплечнікамі Арпа і вялікімі фанатамі яго мастацтва.
Арп стаіць ля вытокаў не адной плыні ў мастацтве — дадаізм, сюррэалізм, абстракцыянізм... Ён напаўняў свет вакол сябе art-ам, ствараючы чароўную рэальнасць з самых звыклых рэчаў.
Яго галоўная муза — ПРЫРОДА, асноўны прынцып у творчасці — ВЫПАДКОВАСЦЬ, а працы напоўнены абсурднымі вобразамі рэальнасці — АБ’ЕКТАМІ.
Майстар-клас — добрая нагода натхніцца ягонай творчасцю!
Вас чакае:
лекцыя культуролага і мастачкі Каці Чуняк;
майстар-клас, на якім вы створыце біяморфныя калажы, натхнёныя працамі мастака.
Уваход — 10 рублёў. Толькі не забудзьцеся зарэгістравацца па спасылцы!
