16 лютага Беларуская незалежная кінаакадэмія арганізуе пітчынг у Conference Lounge — прэзентацыю беларускіх кінапраектаў у межах Еўрапейскага кінарынку на Berlinale!
Дата: 16 лютага
Час: 18:00 (час мясцовы)
Месца: Niederkirchnerstraße 7, 10963 Berlin
Сузаснавальнікі кінаакадэміі Ірэна Кацяловіч і Ігар Сукманаў выбралі з больш як 40 заявак 7 стужак да ўдзелу ў пітчынгу: з іх 4 ігравыя, 2 дакументальныя і 1 анімацыйны праект.
Запрошаныя эксперты з Фінляндыі і Італіі Леэна Пасанэн і Стэфана Тэальдзі будуць рыхтаваць аўтараў да ўдзелу ў EFM.
Ментары разам з беларускімі фільммэйкерамі прапрацуюць выступ на пітчынгу, зарганізуюць сустрэчы з прадстаўнікамі міжнароднай індустрыі кіно, навучаць іх дзейнічаць на кінарынку самастойна.
Мадэраваць пітчынг будзе дырэктарка «goEast» — Фестывалю кіно Цэнтральнай і Усходняй Еўропы Гэлеэн Хэрытсэн.
Акрэдытацыя на імпрэзу не патрабуецца.
